2009ರಲ್ಲಿ ಅಗ್ನಿ-3 ಕ್ಷಿಪಣಿಯ ಪರೀಕ್ಷಾರ್ಥ ಪ್ರಯೋಗ ವಿಶಾಖಪಟ್ಟಣಂ, ಸೋಮವಾರ, 7 ಜನವರಿ 2008( 19:05 IST )

ದೇಶೀಯವಾಗಿ ನಿರ್ಮಿಸಿರುವ,5000 ಕಿಮೀ ವ್ಯಾಪ್ತಿವರೆಗೆ ಚಿಮ್ಮುವ ಸಾಮರ್ಥ್ಯವಿರುವ ಅಗ್ನಿ- 3 ಖಂಡಾಂತರ ಕ್ಷಿಪಣಿಯ ಪರೀಕ್ಷಾರ್ಥ ಪ್ರಯೋಗವನ್ನು ಭಾರತ 2009ರಲ್ಲಿ ನಡೆಸಲಿದೆ. ಪ್ರಸಕ್ತ ದೂರ ವ್ಯಾಪ್ತಿಯ ಈ ಕ್ಷಿಪಣಿಯು ವಿನ್ಯಾಸ ಹಂತದಲ್ಲಿದೆ ಎಂದು ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆಯ ಮುಖ್ಯ ನಿಯಂತ್ರಕ ವಿ.ಕೆ. ಸಾರಸ್ವತ್ ಸೋಮವಾರ ತಿಳಿಸಿದರು. 2009ರಲ್ಲಿ ಈ ಕ್ಷಿಪಣಿಯ ಪರೀಕ್ಷೆಯನ್ನು ನಾವು ನಿರೀಕ್ಷಿಸುತ್ತೇವೆ ಎಂದು ಅವರು 95ನೇ ಭಾರತೀಯ ವಿಜ್ಞಾನ ಸಮಾವೇಶದ ನೇತೃತ್ವದಲ್ಲಿ ಹೇಳಿದರು. ವಾಯುದಳವು ನೆಲದಿಂದ ಆಕಾಶಕ್ಕೆ ಹಾರುವ ಆಕಾಶ್ ಕ್ಷಿಪಣಿಯನ್ನು ಸೇರ್ಪಡೆ ಮಾಡಿದ ಬಳಿಕ, ಅತ್ಯಾಧುನಿಕ ಟ್ಯಾಂಕ್ ಪ್ರತಿರೋಧಕ ನಾಗ್ ಕ್ಷಿಪಣಿಗಳ ಪರೀಕ್ಷೆಗಳನ್ನು ಸೇನೆ ನಡೆಸುತ್ತಿದೆ. ನಾಗ್‌ ಕ್ಷಿಪಣಿಗಳ ಪರೀಕ್ಷೆಗಳು ರಾಜಸ್ತಾನ ಮರುಭೂಮಿಯಲ್ಲಿ ಮೇ-ಜೂನ್‌ನಲ್ಲಿ ನಡೆಯಲಿದೆ ಎಂದು ಸಾರಸ್ವತ್ ಹೇಳಿದರು.