ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿಯವರಿಗೆ ಭಾರತ ರತ್ನ ಪ್ರಶಸ್ತಿ ನೀಡಿ ಗೌರವಿಸಬೇಕು ಎಂಬ ಆಡ್ವಾಣಿ ವಿನಂತಿಯ ಕುರಿತು ಪತ್ರಕರ್ತರು ಕೇಳಿದ ಪ್ರಶ್ನೆಗೆ ಸೂಕ್ತ ಉತ್ತರ ನೀಡದೆ ಪ್ರಧಾನಿ ಮನಮೋಹನ್ ಸಿಂಗ್ ನುಣುಚಿಕೊಂಡ ಘಟನೆ ಗುರುವಾರ ರಾತ್ರಿ ಸಂಭವಿಸಿದೆ.
"ತಾನು ಈಗಷ್ಟೆ ಪತ್ರ ಸ್ವೀಕರಿಸಿದ್ದೇನೆ" ಎಂದಷ್ಟೆ ವಿಪಕ್ಷ ನಾಯಕ ಎಲ್.ಕೆ.ಆಡ್ವಾಣಿ ಪತ್ರದ ಕುರಿತು ಅವರು, ನುಡಿದರು.
ಜನವರಿ ಐದರ ದಿನಾಂಕದ ಈ ಪತ್ರದಲ್ಲಿ ಆಡ್ವಾಣಿ ಅವರು ರಾಜಕೀಯ ರಂಗದಲ್ಲಿ ವಾಜಪೇಯಿ ಅವರ ಸುದೀರ್ಘ ಕಾಲದ ಕೊಡುಗೆಗಾಗಿ ಅವರಿಗೆ ರಾಷ್ಟ್ರದ ಪರಮೋಚ್ಛ ಪ್ರಶಸ್ತಿ ನೀಡಿ ಗೌರವಿಸಬೇಕು ಎಂದು ವಿನಂತಿಸಿದ್ದರು.
ವಾಜಪೇಯಿ ಅವರು ಅತ್ಯಂತ ಸುದೀರ್ಘ ಅವಧಿಗೆ ಸಂದರಾಗಿದ್ದರು ಮತ್ತು ಜವಾಹರಲಾಲ್ ನೆಹರು ಮತ್ತು ಇಂದಿರಾ ಗಾಂಧಿ ಬಳಿಕ ಅತ್ಯಂತ ಸುದೀರ್ಘ ಅವಧಿಗೆ ಪ್ರಧಾನ ಮಂತ್ರಿಯಾಗಿದ್ದವರು ಎಂದು ಆಡ್ವಾಣಿ ತಮ್ಮ ಪತ್ರದಲ್ಲಿ ಹೇಳಿದ್ದಾರೆ.
ದಾಸ್‌ಮುನ್ಷಿ ಪ್ರತಿಕ್ರಿಯೆ
ಆಡ್ವಾಣಿಯವರ ಪತ್ರಕ್ಕೆ ತೀರಾ ಹಗುರವಾದ ಪ್ರತಿಕ್ರಿಯೆ ನೀಡಿರುವ ಮಾಹಿತಿ ಮತ್ತು ಪ್ರಸಾರ ಖಾತೆ ಸಚಿವ ಪ್ರಿಯರಂಜನ್‌ ದಾಸ್‌ಮುನ್ಷಿ, ಅಂತಹ ವಿಚಾರಗಳನ್ನು ಸಾರ್ವಜನಿಕವಾಗಿ ಎತ್ತಬಾರದು ಎಂದು ಹೇಳಿದ್ದಾರಲ್ಲದೇ, ಆಡ್ವಾಣಿ ಅವರು ಬೇಕಿದ್ದರೆ ವಾಜಪೇಯಿಯವರನ್ನು ತಮ್ಮ ಪಕ್ಷದ ವೇದಿಕೆಯಲ್ಲಿ ಗೌರವಿಸಲಿ ಎಂಬ ವ್ಯಂಗ್ಯವಾಡಿದ್ದಾರೆ.
ದಾಸ್ ಮುನ್ಷಿಯವರ ಹೇಳಿಕೆಗೆ ಖಾರವಾಗಿ ಪ್ರತಿಕ್ರಿಯಿಸಿರುವ ಬಿಜೆಪಿ, ಪ್ರಧಾನಿ ಮತ್ತು ವಿರೋಧ ಪಕ್ಷದ ನಾಯಕರ ನಡುವಿನ ಪತ್ರವ್ಯವಹಾರದ ಕುರಿತಂತೆ ಕೇಂದ್ರ ಸಚಿವರೊಬ್ಬರು ಪ್ರತಿಕ್ರಿಯಿಸುವ ಅಗತ್ಯವಿಲ್ಲ ಎಂದು ಹೇಳಿದೆ.
|
ಸುದ್ದಿ ಜಗತ್ತು > ಸುದ್ದಿಗಳು > ರಾಷ್ಟ್ರೀಯ
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ