ಮಾಯಾವತಿ ಭದ್ರತೆಗೆ ಇಸ್ರೇಲ್ ತರಬೇತಿ ನವದೆಹಲಿ, ಬುಧವಾರ, 23 ಜನವರಿ 2008( 15:22 IST )

PTI ಉತ್ತರಪ್ರದೇಶದ ಮುಖ್ಯಮಂತ್ರಿ ಮಾಯಾವತಿ ಅವರಿಗೆ ವಿಶೇಷ ರಕ್ಷಣಾ ತಂಡದ ಭದ್ರತೆ ನೀಡಲು ಕೇಂದ್ರ ಸರ್ಕಾರ ನಿರಾಕರಿಸಿದ್ದರೂ, ಮಾಯಾವತಿ ಸ್ವತಃ ಪರಿಹಾರವೊಂದನ್ನು ಹುಡುಕಿದ್ದಾರೆ. ಇಸ್ರೇಲ್‌ನಿಂದ ಮಾಯಾವತಿಗೆ ಭದ್ರತೆ ಮತ್ತು ಗುಪ್ತಚರ ವ್ಯವಸ್ಥೆಯನ್ನು ಖರೀದಿಸಲು ಉತ್ತರಪ್ರದೇಶ ಸರ್ಕಾರ ನಿರ್ಧರಿಸಿರುವುದಾಗಿ ತಿಳಿದುಬಂದಿದೆ. ಮಾಯಾವತಿ ಭದ್ರತಾ ಕಮಾಂಡೊಗಳಿಗೆ ತರಬೇತಿ ನೀಡಲು ಇಸ್ರೇಲಿ ಖಾಸಗಿ ಸಂಸ್ಥೆಯ ನೌಕರರು 10 ದಿನಗಳೊಳಗೆ ಲಕ್ನೊಗೆ ಆಗಮಿಸಲಿದ್ದಾರೆ. ಎಸ್‌ಪಿಜಿಗೆ ರಕ್ಷಣೆ ನೀಡುವಂತೆ ಮನಮೋಹನ ಸಿಂಗ್ ಅವರಿಗೆ ಬರೆದ ಮೂರು ಪತ್ರಗಳಿಗೆ ಉತ್ತರವಿರಲಿಲ್ಲ. ಮಾಯಾವತಿ ಹೊಸ ಗುಂಡು ನಿರೋಧಕ ವಾಹನವೊಂದನ್ನು ದೆಹಲಿಯ ಇತರೆ ಪ್ರತಿಷ್ಠಿತ ಗಣ್ಯರಿಗೆ ಸಮನಾಗಿ ಖರೀದಿಸಿದ್ದಾರೆ. ಇಸ್ರೇಲಿನ ಭದ್ರತಾ ವ್ಯವಸ್ಥೆಯು ಉತ್ತರಪ್ರದೇಶ ಸರ್ಕಾರಕ್ಕೆ ವರ್ಷಕ್ಕೆ 24 ಕೋಟಿ ರೂ. ವೆಚ್ಚ ತಗಲುತ್ತದೆ. ಉತ್ತರಪ್ರದೇಶದಲ್ಲಿ ಅವರು ಅಧಿಕಾರಕ್ಕೆ ಮರಳಿದ ಬಳಿಕ ಭದ್ರತಾ ರಕ್ಷಣೆ ಬಗ್ಗೆ ಕೇಂದ್ರ ಸರ್ಕಾರದ ಜತೆ ಸಮರಕ್ಕೆ ಇಳಿದಿದ್ದರು. ಕಾಕತಾಳೀಯವೆಂದರೆ ಅವರ ಮುಖ್ಯಮಂತ್ರಿ ಅವಧಿಯಲ್ಲಿ ಭಯೋತ್ಪಾದನೆ ದಾಳಿಗಳ ಪ್ರಮಾಣವು ಹೆಚ್ಚಿದೆ.