ಜಾನಪದ ನೃತ್ಯೋತ್ಸವ ಲೋಕತರಂಗ ಉದ್ಘಾಟನೆ ನವದೆಹಲಿ, ಗುರುವಾರ, 24 ಜನವರಿ 2008( 13:46 IST )

PTI ರಾಷ್ಟ್ರಪತಿ ಪ್ರತಿಭಾ ಪಾಟೀಲ್ ಅವರು 6 ದಿನಗಳ ರಾಷ್ಟ್ರೀಯ ಜಾನಪದ ನೃತ್ಯೋತ್ಸವ ಲೋಕತರಂಗವನ್ನು ಗುರುವಾರ ಸಂಜೆ ಉದ್ಘಾಟಿಸಲಿದ್ದಾರೆ. ಕೇಂದ್ರ ಪ್ರವಾಸೋದ್ಯಮ ಮತ್ತು ಸಂಸ್ಕೃತ ಖಾತೆ ಸಚಿವೆ ಅಂಬಿಕಾ ಸೋನಿ ಈ ಸಮಾರಂಭದ ಅಧ್ಯಕ್ಷತೆ ವಹಿಸಲಿದ್ದಾರೆ. ಪಂಚಮಹಾಭೂತಗಳೆಂದು ಹೆಸರಾದ ಜೀವನದ ಐದು ಶಕ್ತಿಗಳಲ್ಲಿ ಒಂದಾಗ ಅಗ್ನಿಯನ್ನು ಉದ್ದೀಪನಗೊಳಿಸುವ ಜ್ಯೋತಿ ಬೆಳಗಿಸುವ ಮೂಲಕ ಉದ್ಘಾಟನೆ ಪ್ರದರ್ಶನ ಆರಂಭವಾಗಲಿದೆ. 28 ರಾಜ್ಯಗಳಿಂದ ಮತ್ತು ಎರಡು ಕೇಂದ್ರಾಡಳಿತ ಪ್ರದೇಶಗಳಿಂದ ಆಯ್ಕೆಯಾದ 43 ಜಾನಪದ ನೃತ್ಯಗಳಿಗೆ 700 ಜಾನಪದ ನೃತ್ಯಕಲಾವಿದರು ಈ ಸಮಾರಂಭದಲ್ಲಿ ಭಾಗವಹಿಸಲಿದ್ದಾರೆ. ಜಾನಪದ ನೃತ್ಯಗಳ ಮೂಲಕ ರಾಷ್ಟ್ರದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆಯನ್ನು ಬಿಂಬಿಸುವ ಉದ್ದೇಶದಿಂದ ಕೇಂದ್ರ ಸಂಸ್ಕೃತಿ ಸಚಿವಾಲಯ ಈ ಉತ್ಸವವನ್ನು ಪ್ರತಿವರ್ಷ ಆಯೋಜಿಸುತ್ತಿದೆ.ರಾಷ್ಟ್ರದ ವಿವಿಧ ಭಾಗಗಳ ವರ್ಣರಂಜಿತ, ಸ್ಪಂದನಶೀಲ ಜಾನಪದ ನೃತ್ಯಗಳ ವೀಕ್ಷಣೆಗೆ ಈ ಸಮಾರಂಭವು ವಿಶಿಷ್ಠ ಅವಕಾಶವನ್ನು ಕಲ್ಪಿಸಿದೆ.