ಸಿಲಿಂಡರ್ ಸ್ಫೋಟಿಸಿ ಮೂರು ಮಕ್ಕಳ ಸಾವು ಮುಂಬೈ, ಸೋಮವಾರ, 28 ಜನವರಿ 2008( 14:56 IST )

ಶಾಲಾ ಮಕ್ಕಳು ಪ್ರಯಾಣಿಸುತ್ತಿದ್ದ ವ್ಯಾನಿನಲ್ಲಿದ್ದ ಸಿಎನ್‌ಜಿ ಸಿಲಿಂಡರ್ ಸ್ಫೋಟಿಸಿ ಮೂವರು ಮಕ್ಕಳು ಅಸುನೀಗಿದ ಘಟನೆ ಸೋಮವಾರ ಸಂಭವಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಓಷಿವರಾದ ಮಿಲಟ್ ನಗರದಲ್ಲಿ ಈ ಸ್ಫೋಟ ಸಂಭವಿಸಿದೆ ಎಂದು ಅವರು ತಿಳಿಸಿದ್ದಾರೆ. ಮೂರು ಹೆಣ್ಣುಮಕ್ಕಳು ಈ ಘಟನೆಯಲ್ಲಿ ಸ್ಥಳದಲ್ಲೇ ಸತ್ತಿದ್ದಾರೆ. ಮಕ್ಕಳು ಮಿಲ್ಲಟ್ ಹೈಸ್ಕೂಲಿಗೆ ಸೇರಿದವರಾಗಿದ್ದು, ವೋಮ್ನಿ ವ್ಯಾನ್‌ನಲ್ಲಿ ಮನೆಗೆ ತೆರಳುತ್ತಿದ್ದಾಗ, ಸಿಎನ್‌ಜಿ ಕಿಟ್ ಸ್ಫೋಟಿಸಿ ಮೂವರು ಮಕ್ಕಳು ಮೃತಪಟ್ಟರು ಎಂದು ಪೊಲೀಸರು ತಿಳಿಸಿದ್ದಾರೆ. ವ್ಯಾನಿನಲ್ಲಿದ್ದ ಕೆಲವು ಮಕ್ಕಳು ಗಾಯಗೊಂಡಿದ್ದು, ಅವರನ್ನು ಸಮೀಪದ ಆಸ್ಪತ್ರೆಗೆ ಸೇರಿಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.