ಹಡಗು ಅನಿಲ ಸೋರಿಕೆಗೆ ಐವರ ಬಲಿ ವಿಶಾಖಪಟ್ಟಣ, ಶನಿವಾರ, 2 ಫೆಬ್ರವರಿ 2008( 11:07 IST )

ವಿಶಾಖಪಟ್ಟಣ ಮತ್ತು ಪೋರ್ಟ್‌ಬ್ಲೇರ್‌ ಬಂದರಿನಲ್ಲಿ ಇತರ ಹಡಗುಗಳೊಂದಿಗೆ ಸಮರಾಭ್ಯಾಸ ಮಾಡುತ್ತಿದ್ದ ಐಎನ್ಎಸ್ ಜಲಾಶ್ವದಲ್ಲಿ ಅನಿಲ ಸೋರಿಕೆಯಾದ ಕಾರಣ ಐವರು ನಾವಿಕರು ಮೃತಪಟ್ಟು ಇತರ ಮೂವರು ನೌಕಾದಳದ ಸಿಬ್ಬಂದಿ ಗಾಯಗೊಂಡ ಬಗ್ಗೆ ವರದಿಯಾಗಿದೆ. ಶುಕ್ರವಾರ ರಾತ್ರಿ ಇತರ ಯುದ್ಧ ಹಡಗುಗಳೊಂದಿಗೆ ಸಮರಾಭ್ಯಾಸವನ್ನು ಐಎನ್ಎಸ್ ಜಲಾಶ್ವ ಮಾಡುತ್ತಿತ್ತು. ಈಸ್ಟರ್ನ್ ನಾವಲ್ ಕಮಾಂಡ್ ಬಿಡುಗಡೆ ಮಾಡಿರುವ ಪ್ರಕಟಣೆಯಲ್ಲಿ ಜಲಾಶ್ವ ಪೋರ್ಟ್ ಬ್ಲೇರ್ ಬಂದರಿನತ್ತ ಸಾಗುತ್ತಿತ್ತು. ಅನಿಲ ಸೋರಿಕೆಯಿಂದ ಹಡಗಿಗೆ ಭಾರಿ ನಷ್ಟ ಸಂಭವಿಸಿಲ್ಲ. ಗಾಯಗೊಂಡ ಮೂವರನ್ನು ಹೆಲಿಕಾಪ್ಟರ್ ಮೂಲಕ ಮೇಲೆತ್ತಿ ಆಸ್ಪತ್ರೆಗೆ ದಾಖಲಾಯಿಸಿತು ಎಂದು ಹೇಳಿದೆ.