ಅರುಣಾಚಲ: ಪ್ರಧಾನಿ ಹೇಳಿಕೆಗೆ ಚೀನ ಆಕ್ಷೇಪ ನವದೆಹಲಿ (ಏಜೆನ್ಸಿ), ಶುಕ್ರವಾರ, 8 ಫೆಬ್ರವರಿ 2008( 20:39 IST )

ಅರುಣಾಚಲ ಪ್ರದೇಶಕ್ಕೆ ಇತ್ತೀಚೆಗೆ ಭೇಟಿ ನೀಡಿರುವ ಪ್ರಧಾನಮಂತ್ರಿ ಮನಮೋಹನ್ ಸಿಂಗ್ ಅವರು, ಅರುಣಾಚಲ ಪ್ರದೇಶ ಭಾರತದ ಅವಿಬಾಜ್ಯ ಅಂಗವೆಂಬುದಾಗಿ ನೀಡಿರುವ ಹೇಳಿಕೆಯನ್ನು ಚೀನ ಪ್ರತಿಭಟಿಸಿದೆ. ಗಡಿವಿವಾದದ ಕುರಿತು ಉಭಯ ರಾಷ್ಟ್ರಗಳು ಮಾತುಕತೆ ನಡೆಸುತ್ತಿರುವ ಈ ಸಂದರ್ಭದಲ್ಲಿ ಇಂತಹ ಹೇಳಿಕೆಗಳನ್ನು ನೀಡುವುದು ಸಮಂಜಸವಲ್ಲ ಎಂಬ ಸಂದೇಶವನ್ನು ಚೀನ ಭಾರತಕ್ಕೆ ರವಾನಿಸಿದೆ ಎಂಬುದಾಗಿ ಮೂಲಗಳು ಹೇಳಿವೆ. ಅರುಣಾಚಲಕ್ಕೆ ಪ್ರಧಾನಿಯವರ ಭೇಟಿ ಹಾಗು ಅವರ ಹೇಳಿಕೆಯ ಕುರಿತು ಪ್ರತಿಭಟನೆಯನ್ನು ಅನೌಪಚಾರಿಕವಾಗಿ ಭಾರತೀಯ ರಾಯಭಾರ ಕಚೇರಿಗೆ ಚೀನ ವಿದೇಶಾಂಗ ಸಚಿವಾಲಯ ಈ ವಾರದ ಆದಿಯಲ್ಲಿ ರವಾಸಿಸಿದೆ ಎಂದು ಮೂಲಗಳು ತಿಳಿಸಿವೆ.