ಬಾಬಾ ಅಮ್ಟೆ ಅಸ್ತಂಗತ ನಾಗಪುರ:, ಶನಿವಾರ, 9 ಫೆಬ್ರವರಿ 2008( 09:28 IST )

ಹಿರಿಯ ಸಾಮಾಜಿಕ ಕಾರ್ಯಕರ್ತ ಮತ್ತು ಮ್ಯಾಗಸ್ಸೆ ಪ್ರಶಸ್ತಿ ವಿಜೇತ ಮುರಳೀಧರ ದೇವಿದಾಸ್ ಅಥವಾ ಜನರ ಪ್ರೀತಿಯ ಬಾಬಾ ಅಮ್ಟೆ ಅವರು ಶನಿವಾರ ಮಂಜಾನೆ ನಿಧನರಾಗಿದ್ದಾರೆ. ಅಮ್ಟೆ ಅವರು ಮಹಾರಾಷ್ಟ್ರದ ಚಂದ್ರಾಪುರ ಜಿಲ್ಲೆಯ 'ಆನಂದ್‌ವನ್' ಆಶ್ರಮದಲ್ಲಿ ಶನಿವಾರ ಮುಂಜಾನೆ 4.15ಕ್ಕೆ ತಮ್ಮ ಕೊನೆಯುಸಿರಳೆದರು ಎಂದು ಅವರ ಪುತ್ರ ಡಾ. ವಿಕಾಸ್ ಅವರು ತಿಳಿಸಿದ್ದಾರೆ. 94 ವರ್ಷವಾಗಿದ್ದ ಅಮ್ಟೆ, ದೇಶದ ಗೌರವಾನ್ವಿತ ಸಾಮಾಜಿಕ ಕಾರ್ಯಕರ್ತರಾಗಿದ್ದರು. ಅಶಕ್ತರ, ಕುಷ್ಟರೋಗಿಗಳ ಆರೈಕೆ ಮತ್ತು ಪುನಶ್ಚೇತನಗೊಳಿಸಲು ಶ್ರಮಿಸಿದ್ದರು. ಅವರ ಈ ಜನಪರ ಸೇವೆಯ ಪ್ರತಿಫಲವಾಗಿ ವಿಶ್ವದ ಪ್ರತಿಷ್ಟಿತ ನ್ಯೂಯಾರ್ಕ್ ಮೂಲದ ರೋಮ್ ಪ್ರಶಸ್ತಿಯಾದಿರುವ 'ಮ್ಯಾಗ್ಸೇಸೆ' ಪ್ರಶಸ್ತಿಯನ್ನು ಪಡೆದಿದ್ದರು. ಬಾಬಾ ಅಮ್ಟೆ ತಮ್ಮ ಎರಡು ಮಕ್ಕಳನ್ನು ಅಗಲಿದ್ದಾರೆ