ನಕ್ಸಲರು: ಒರಿಸ್ಸಾ ಪೊಲೀಸರಿಂದ ಶಸ್ತ್ರಾಸ್ತ್ರ ಪತ್ತೆ ನಯಾಗರ, ಮಂಗಳವಾರ, 19 ಫೆಬ್ರವರಿ 2008( 12:16 IST )

ಮವೋವಾದಿ ಉಗ್ರರ ದಾಳಿಗೀಡಾಗಿರುವ ನಯಾಗರದಲ್ಲಿ ಕೂಂಬಿಂಗ್ ಕಾರ್ಯಚರಣೆ ನಡೆಸುತ್ತಿರುವ ಪೊಲೀಸರು ಸೋಮವಾರ ಶಸ್ತ್ರಾಸ್ತ್ರ ಹಾಗೂ ಮದ್ದುಗುಂಡುಗಳನ್ನು ಪತ್ತೆ ಹಚ್ಚಿದ್ದಾರೆ. ಇದರಲ್ಲಿ ಬಂದೂಕುಗಳು, ಗ್ರೆನೇಡ್ ಲಾಂಚರ್, ಕಾಡತೂಸುಗಳು ಸೇರಿವೆ. ಆದರೆ, ಇದು ಕಳೆದ ಶುಕ್ರವಾರ ಸುಮಾರು 500 ನಕ್ಸಲರು ಏಕಾಏಕಿ ಪೊಲೀಸ್ ಶಸ್ತ್ರಾಗಾರದ ಮೇಲೆ ದಾಳಿ ಮಾಡಿ ಅಪಹರಿಸಿರುವ ಭಾರೀ ಪ್ರಮಾಣದ ಶಸ್ತ್ರಾಸ್ತ್ರಗಳಲ್ಲ ಎಂದು ವರದಿ ಹೇಳಿದೆ. ಕಳೆದ ಶುಕ್ರವಾರ ರಾತ್ರಿ ಪೊಲೀಸ್ ಶಸ್ತ್ರಾಗಾರ ಮೇಲೆ ದಾಳಿ ನಡೆಸಿದ ನಕ್ಸಲರು ಶಸ್ತ್ರಾಸ್ತ್ರಗಳನ್ನು ಅಪಹರಿಸಿದ್ದರು. ಈ ವೇಳೆ ನಡೆದ ಗುಂಡಿನ ಚಕಮಕಿಯಲ್ಲಿ 14 ಮಂದಿ ಪೊಲೀಸರು ಹಾಗೂ ನಾಗರಿಕನೋರ್ವ ಮೃತಪಟ್ಟಿದ್ದ. ಪ್ರತಿಯಾಗಿ ಪೊಲೀಸರು ನಡೆಸುತ್ತಿರುವ ಕೂಂಬಿಂಗ್ ಕಾರ್ಯಾಚರಣೆಯಲ್ಲಿ ಕನಿಷ್ಠ 20 ನಕ್ಸಲರು ಹತರಾಗಿದ್ದಾರೆ.