ಮುಲಾಯಂ ಪ್ರಧಾನಿ ಅಭ್ಯರ್ಥಿ: ವಾಮರ ಅಸಮಾಧಾನ ನವದೆಹಲಿ, ಬುಧವಾರ, 20 ಫೆಬ್ರವರಿ 2008( 12:56 IST )

ಯುಎನ್‌ಪಿಎ ಮೈತ್ರಿ ಕೂಟದ ಪ್ರಧಾನ ಮಂತ್ರಿ ಅಭ್ಯರ್ಥಿಯಾಗಿ ಸಮಾಜವಾದಿ ಪಕ್ಷದ ಮುಖ್ಯಸ್ಥ ಮುಲಾಯಂ ಸಿಂಗ್ ಯಾದವ್ ಅವರನ್ನು ಬಿಂಬಿಸಿರುವುದಕ್ಕೆ ಎಡಪಕ್ಷಗಳು ಅಸಮಾಧಾನ ಸೂಚಿಸಿವೆ. ಇದಲ್ಲದೆ ಅವಧಿ ಪೂರ್ಣ ಚುನಾವಣೆಗೆ ಕಾಂಗ್ರೆಸ್ ಆತುರ ತೋರುತ್ತಿರುವುದರ ವಿರುದ್ಧ ಎಚ್ಚರಿಸಿರುವ ಅದು, ಇದು ರಾಜಕೀಯ ಹರಾ-ಕಿರಿಯಾದೀತು ಎಂದು ಹೇಳಿದೆ. ತೃತೀಯ ರಂಗದಲ್ಲಿ ಕಾಂಗ್ರೆಸ್ ಪಕ್ಷವನ್ನು ಸೇರಿಸಬೇಕೇ, ಬೇಡವೇ ಎಂಬ ವಿಚಾರದಲ್ಲಿ ಎಡಪಕ್ಷಗಳೊಳಗೆ ಭಿನ್ನಾಭಿಪ್ರಾಯಗಳು ಮೂಡಿವೆ. 'ಏಕಸ್ವಾಮ್ಯ ಹಾಗೂ ಜಮೀನ್ದಾರರ ಪಕ್ಷ' ಎಂದು ಕಾಂಗ್ರೆಸನ್ನು ಸಿಪಿಐ(ಎಂ) ಜರೆದಿದೆ. ಆದರೆ, ಬಿಜೆಪಿಯು ಅಧಿಕಾರಕ್ಕೆ ಬರುವುದನ್ನು ತಡೆಯಲು ಕಾಂಗ್ರೆಸನ್ನು ಜಾತ್ಯತೀತ ಶಿಬಿರದಿಂದ ಹೊರಗಿರಿಸಬಾರದು ಎಂದು ಹೇಳಿದೆ.