ನಕ್ಸಲ್ ದಾಳಿ: ಮೃತರ ಸಂಖ್ಯೆ 16ಕ್ಕೇರಿಕೆ ಭುವನೇಶ್ವರ , ಗುರುವಾರ, 21 ಫೆಬ್ರವರಿ 2008( 14:04 IST )

ನಯಾಗರದಲ್ಲಿ ಫೆ.15ರಂದು ನಕ್ಸಲರು ನಡೆಸಿರುವ ದಾಳಿಯಲ್ಲಿ ಗಂಡೇಟಿನಿಂದ ಗಂಭೀರ ಗಾಯಗೊಂಡಿದ್ದ ಪೊಲೀಸೊಬ್ಬರು ಮೃತರಾಗಿದ್ದು, ದಾಳಿಯಲ್ಲಿ ಮೃತರಾದವರ ಸಂಖ್ಯೆ 16ಕ್ಕೇರಿದೆ. ಏತನ್ಮಧ್ಯೆ, ಮಾವೋವಾದಿ ಉಗ್ರರ ವಿರುದ್ಧ ನಡೆಸುತ್ತಿರುವ ಕಾರ್ಯಾಚರಣೆ ತೀವ್ರಗೊಂಡಿದ್ದು ಮತ್ತಿಬ್ಬರು ನಕ್ಸಲರನ್ನು ಬಂಧಿಸಲಾಗಿದೆ. ಕಂದಮಲ್ ಮತ್ತು ಗಂಜಾಮ್‌ ಗಡಿಯ ಕಾಡಿನಲ್ಲಿ ಅಡಗಿರುವ ನಕ್ಸಲರ ಪತ್ತೆಗೆ ಭಾರೀ ಕಾರ್ಯಾಚರಣೆ ಹಮ್ಮಿಕೊಂಡಿರುವ ಸರಕಾರವು ಶ್ವಾನದಳ ಮತ್ತು ವಾಯುಪಡೆಯ ಹೆಲಿಕಾಫ್ಟರ್‌ಗಳನ್ನು ಈ ಕಾರ್ಯಕ್ಕಾಗಿ ಬಳಸಿದೆ. ಗಂಜಾಮ್ ಪೊಲೀಸ್ ವರಿಷ್ಠಾಧಿಕಾರಿ ದೇವದತ್ತ ಸಿಂಗ್ ಅವರು ಕೂಂಬಿಂಗ್ ಕಾರ್ಯಚರಣೆಯ ಮೇಲ್ವೀಚಾರಣೆ ನಡೆಸುತ್ತಿದ್ದಾರೆ. ಪೊಲೀಸರ ಪತ್ತೆ ಕಾರ್ಯಕ್ಕೆ ಹೆದರಿರುವ ನಕ್ಸಲರು ಸಣ್ಣಸಣ್ಣ ಗುಂಪುಗಳಾಗಿ ಚದುರಿದ್ದು, ವಿವಿಧ ಗ್ರಾಮಗಳಲ್ಲಿ ಮತ್ತು ದಟ್ಟ ಕಾಡುಗಳಲ್ಲಿ ಅಡಗಿದ್ದು, ಚತ್ತೀಸ್‌ಗಢ ಹಾಗೂ ಆಂಧ್ರಪ್ರದೇಶಗಳಿಗೆ ಪರಾರಿಯಾಗಲು ಪ್ರಯತ್ನಿಸಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ.