ಬಿಗ್ ಬಿ ಕಚೇರಿ ಮೇಲೆ ದಾಳಿ ಮುಂಬೈ, ಶನಿವಾರ, 1 ಮಾರ್ಚ್ 2008( 12:26 IST )

PTI ಮುಂಬೈಯ ಜುಹುವಿನಲ್ಲಿರುವ ಬಾಲಿವುಡ್ ತಾರೆ ಅಮಿತಾಬ್ ಬಚ್ಚನ್ ಅವರ ಎಬಿಸಿಎಲ್ ಕಚೇರಿ ಮೇಲೆ ದುಷ್ಕರ್ಮಿಗಳು ಶಕ್ರವಾರ ರಾತ್ರಿ ದಾಳಿ ನಡೆಸಿದ್ದಾರೆ. ಬೂದು ಬಣ್ಣದ ಸ್ಯಾಂಟ್ರೋ ಕಾರಿನಲ್ಲಿ ಆಗಮಿಸಿದ ದುಷ್ಕರ್ಮಿಗಳು ಕಲ್ಲು ಹಾಗೂ ಬಾಟಲುಗಳನ್ನು ಕಚೇರಿಯ ಮೇಲೆ ಎಸೆದು ಪರಾರಿಯಾಗಿದ್ದಾರೆ. ಎಬಿಸಿಎಲ್ ಕಚೇರಿ ಇದ್ದ ಜನಕ್ ಬಂಗ್ಲೆಯ ಮೇಲೆ ಬಾಟಲಿ ಎಸೆದಿರುವುದಾಗಿ ದೂರವಾಣೆ ಕರೆ ಸ್ವೀಕರಿಸಿರುವುದಾಗಿ ತಿಳಿಸಿರುವ ಪೊಲೀಸ್ ಉಪಆಯುಕ್ತ ವಿನಯ್ ಚೌಬೆ ಸತ್ಯಾಂಶದ ಪರಿಶೀಲನೆಗೆ ಪೊಲೀಸ್ ತಂಡವನ್ನು ಸ್ಥಳಕ್ಕೆ ಕಳುಹಿಸಿರುವುದಾಗಿ ಹೇಳಿದ್ದಾರೆ. ಈ ಘಟನೆಗೆ ಪ್ರತಿಕ್ರಿಯಿಸಿರುವ ಅಮಿತಾಬ್ ಅವರ ಸ್ನೇಹಿತ ಸಮಾಜವಾದಿ ಪಕ್ಷದ ನಾಯಕ ಅಮರ್ ಸಿಂಗ್, ಈ ಹಲ್ಲೆಯ ಹಿಂದೆ ಮಹಾರಾಷ್ಟ್ರ ನವನಿರ್ಮಾಣ ಸೇನೆಯ ಮುಖ್ಯಸ್ಥ ರಾಜ್ ಠಾಕ್ರೆ ಕೈವಾಡ ಇದೆ ಎಂದು ಆರೋಪಿಸಿದ್ದಾರೆ.