ಜಾತ್ಯತೀತ ಪಕ್ಷಗಳು ಒಂದಾಗಲು ಬರ್ದಾನ್ ಕರೆ ಪುದುಕೊಟ್ಟೈ , ಶನಿವಾರ, 1 ಮಾರ್ಚ್ 2008( 13:25 IST )

ಮತೀಯ ಶಕ್ತಿಗಳು ಅಧಿಕಾರಕ್ಕೆ ಬರುವುದನ್ನು ತಡೆಗಟ್ಟಲು ಎಲ್ಲಾ ಜಾತ್ಯಾತೀತ ಪಕ್ಷಗಳು ಒಂದೇ ವೇದಿಕೆಯಡಿ ಬರಬೇಕು ಎಂದು ಸಿಪಿಐ ಪ್ರಧಾನ ಕಾರ್ಯದರ್ಶಿ ಎ.ಬಿ.ಬರ್ದಾನ್ ಹೇಳಿದ್ದಾರೆ. ಇಲ್ಲಿ ನಾಲ್ಕುದಿನಗಳ ರಾಜ್ಯ ಸಮ್ಮೇಳನವನ್ನು ಉದ್ಘಾಟಿಸಿ ಮಾತನಾಡುತ್ತಿದ್ದ ಅವರು ಮತೀಯ ಶಕ್ತಿಗಳು ಸವಾಲೊಡ್ಡುತ್ತಿವೆ ಎಂಬ ಎಚ್ಚರಿಕೆ ನೀಡಿದರು. "ಭಾರತೀಯ ಜನತಾ ಪಕ್ಷದಲ್ಲಿ ಪ್ರಧಾನ ಮಂತ್ರಿಯೊಬ್ಬರು ಕಾಯುತ್ತಿದ್ದಾರೆ. ಅವರು ಕಾಯುತ್ತಲೇ ಇರಬೇಕಾಗುತ್ತದೆ. ತಮಿಳ್ನಾಡಿನಲ್ಲಿಯೂ ಸಹ ಎಐಎಡಿಎಂಕೆ ನಾಯಕಿ ಜಯಲಲಿತ ಬಿಜೆಪಿಯ ಸನಿಹಕ್ಕೆ ಸಾಗುತ್ತಿದ್ದಾರೆ. ರಾಜ್ಯಗಳಲ್ಲಿ ಮತ್ತು ಕೇಂದ್ರದಲ್ಲಿ ಮತೀಯ ಶಕ್ತಿಗಳು ಅಧಿಕಾರಕ್ಕೆ ಬರುವುದನ್ನು ತಡೆಯಲು ಜಾತ್ಯತೀತ ಶಕ್ತಿಗಳು ಒಂದಾಗಬೇಕು" ಎಂದು ಬರ್ದನ್ ನುಡಿದರು. ಇವರೆಲ್ಲ ಜನತೆಯ ನಂಬುಗೆಯನ್ನು ಮತಗಳಾಗಿ ಪರಿವರ್ತಿಸಲು ಕಾಯುತ್ತಿದ್ದಾರೆ ಎಂದು ಅವರು ಟೀಕಿಸಿದರು.