ಕಾಶ್ಮೀರ್ ಸಿಂಗ್ ಇಂದು ಸ್ವದೇಶಕ್ಕೆ ಲಾಹೋರ್ , ಮಂಗಳವಾರ, 4 ಮಾರ್ಚ್ 2008( 11:14 IST )

ಕಳೆದ 35 ವರ್ಷಗಳಿಂದ ಜೈಲಿನ ಸರಳುಗಳ ಹಿಂದೆ ಬದುಕು ನೂಕಿದ್ದ ಕಾಶ್ಮೀರ್ ಸಿಂಗ್ ಸೋಮವಾರ ತಡರಾತ್ರಿ ಲಾಹೋರ್ ಜೈಲಿನಿಂದ ಬಿಡುಗಡೆ ತನ್ನ ತಾಯ್ನಾಡು ಭಾರತಕ್ಕೆ ಮರಳುತ್ತಿದ್ದಾನೆ. ಪಾಕ್ ಜೈಲಿನಿಂದ ಹೊರಬಿದ್ದು ಸ್ವತಂತ್ರವಾಗಲಿರುವ ಕಾಶ್ಮೀರ್ ಸಿಂಗ್ ಮೊದಲು ನಾನ್‌ಖಾನಾ ಸಾಹಿಬ್‌ಗೆ ಭೇಟಿ ನೀಡಿದ ನಂತರ ವಾಘಾ ಗಡಿಯಲ್ಲಿ ತನ್ನ ಪತ್ನಿ ಮತ್ತು ಮೂವರು ಮಕ್ಕಳನ್ನು ಕೂಡಿಕೊಳ್ಳಲಿದ್ದಾನೆ. 1973ರಲ್ಲಿ ಬೆಹುಗಾರಿಕೆ ಆಪಾದನೆಯಡಿಯಲ್ಲಿ ಪಾಕಿಸ್ತಾನದಲ್ಲಿ ಬಂಧಿತನಾಗಿದ್ದ ಕಾಶ್ಮೀರ್ ಸಿಂಗ್‌ನನ್ನು ಪಾಕ್ ಮಿಲಿಟರಿ ನ್ಯಾಯಾಲಯವು ಮರಣ ದಂಡನೆ ಶಿಕ್ಷೆ ವಿಧಿಸಿತ್ತು. ಪಾಕಿಸ್ತಾನದ ಮಾನವ ಹಕ್ಕು ಆಯೋಗವು ಕಾಶ್ಮೀರ್ ಸಿಂಗ್‌ನನ್ನು ಬಿಡುಗಡೆ ಮಾಡಬೇಕು ಎಂದು ಮಾಡಿಕೊಂಡ ಮನವಿಯ ನಂತರ ಪರ್ವೇಜ್ ಮುಷರಫ್ ಅವರು ಕಾಶ್ಮೀರ್ ಸಿಂಗ್‌ನನ್ನು ಬಿಡುಗಡೆಯ ಆದೇಶ ನೀಡಿದ್ದಾರೆ.