ಇದು 'ಪ್ರಮಿಳಾ' ಪಾರುಪತ್ಯದ ವಿಮಾನ ಚೆನ್ನೈ, ಭಾನುವಾರ, 9 ಮಾರ್ಚ್ 2008( 11:03 IST )

ಮಹಿಳೆಯರನ್ನು ಇನ್ನುಮುಂದೆ ಅಬಲೆ, ಅಶಕ್ತೆ ಎಂಬುದಾಗಿ ಕರೆಯಲು ಅವಕಾಶ ನೀಡದಿರುವಂತೆ, ಸಂಪೂರ್ಣ ಮಹಿಳಾಮಯ ವಿಮಾನವೊಂದು ಅಂತಾರಾಷ್ಟ್ರೀಯ ಮಹಿಳಾ ದಿನವಾದ ಶನಿವಾರ ಚೆನ್ನೈನಿಂದ ಕೊಲಂಬೋಗೆ ಯಶಸ್ವಿಯಾಗಿ ಹಾರಿತು. ಏರ್ ಇಂಡಿಯಾದ ಈ ಮಹಿಳಾ ವಿಮಾದಲ್ಲಿ ಕ್ಯಾಪ್ಟನ್ ಎಂ.ದೀಪಾ, ಫ್ಲೈಟ್ ಅಧಿಕಾರಿ ಎನ್.ಆರ್.ವೇದಾ ಬಕಾವತಿ, ಗಗನಸಖಿಯರಾದ ಉಪಾಸನಾ, ನಾನ್ಸಿ, ಶ್ರೇಯಸ್ಸ್, ಧನಪ್ರೀತ್ ಮತ್ತು ಮಾಯಾ ಮತ್ತಿತರಿದ್ದರು. ಈ ವಿಮಾನವನ್ನು ಕೊಲಂಬೊದಲ್ಲಿ ಆತ್ಮೀಯವಾಗಿ ಬರಮಾಡಿಕೊಳ್ಳಲಾಯಿತು. ವಿಮಾನನಿಲ್ದಾಣದಲ್ಲಿ ಬಂದಿಳಿದ ವಿಮಾನದ ಸಿಬ್ಬಂದಿಗಳು ಮತ್ತು ಪ್ರಯಾಣಿಕರಿಗೆ ಗುಲಾಬಿ ನೀಡಿ ಸ್ವಾಗತಿಸಲಾಯಿತು ಎಂದು ನ್ಯಾಶನಲ್ ಏವಿಯೇಷನ್ ಕಂಪೆನಿಯ ಪ್ರಕಟಣೆ ತಿಳಿಸಿತು.