ಹೃದಯಾಘಾತ: ನಟ ರಘುವರನ್ ಸಾವು ಚೆನ್ನೈ , ಬುಧವಾರ, 19 ಮಾರ್ಚ್ 2008( 15:44 IST )

ತೆಲಗು, ಕನ್ನಡ ತಮಿಳು ಮತ್ತು ಬಾಲಿವುಡ್ ಚಿತ್ರಗಳಲ್ಲಿ ನಟಿಸಿದ ನಟ ರಘುವರನ್ ಇಂದು ಇಹಲೋಕ ತ್ಯಜಿಸಿದ್ದಾರೆ.ಕೆಲ ಕಾಲದಿಂದ ಅನಾರೋಗ್ಯದಿಂದ ಬಳಲುತ್ತಿದ್ದು ಹೃದಯಾಘಾತದಿಂದ ಸಾವನ್ನಪ್ಪಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಮಿಸ್ಟರ್ ಭರತ್ ಚಿತ್ರದಿಂದ ತೆಲಗು ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿ ತಮ್ಮ ವಿಲಕ್ಷಣ ನಟನೆಯಿಂದಾಗಿ ರಘುವರನ್ ತಮ್ಮದೇ ಆದ ಪ್ರೇಕ್ಷಕ ವೃಂದವನ್ನು ಗಳಿಸಿದ್ದರು. " ಶಿವ" ಚಿತ್ರದಲ್ಲಿ ನಟಿಸಿದ ರಘುವರನ್ ಖಳನಾಯಕನ ಪಾತ್ರದಿಂದಾಗಿ ಅಪಾರ ಅಭಿಮಾನಿಗಳ ಮನಸೂರೆಗೊಂಡಿದ್ದರು. ರಘುವರನ್ ಇಹಲೋಕ ತ್ಯಜಿಸಿದ ಸುದ್ದಿ ತಿಳಿಯುತ್ತಲೇ ಚಿತ್ರರಂಗದ ದಿಗ್ಗಜರು ಶೋಕ ವ್ಯಕ್ತಪಡಿಸಿದ್ದಾರೆ.