ಅಮಿರ್‌ಖಾನ್ ವಿರುದ್ದ ವಾರೆಂಟ್ ಜಾರಿ ಅಹ್ಮದಾಬಾದ್, ಶುಕ್ರವಾರ, 28 ಮಾರ್ಚ್ 2008( 18:21 IST )

ಚಿಂಕಾರಾ ಶೂಟಿಂಗ್‌ ಪ್ರಕರಣದಲ್ಲಿ ಬಾಲಿವುಡ್ ನಟ ಅಮೀರ್‌ಖಾನ್ ಹಾಗೂ ನಿರ್ದೇಶಕ ಅಶುತೋಶ್ ಗೌರಿಕರ್ ಸೇರಿದಂತೆ ಒಟ್ಟು ಆರು ಮಂದಿಯ ವಿರುದ್ದ ನ್ಯಾಯಾಲಯ ವಾರೆಂಟ್ ಜಾರಿ ಮಾಡಿ ಆದೇಶ ಹೊರಡಿಸಿದೆ. ಎಪ್ರಿಲ್ 15ರಂದು ನ್ಯಾಯಾಲಯದಲ್ಲಿ ಹಾಜರಿರುವಂತೆ ಕಚ್ ಸೆಷೆನ್ಸ್ ನ್ಯಾಯಾಲಯ ವಾರೆಂಟ್ ಜಾರಿ ಮಾಡಿ ಆದೇಶ ಹೊರಡಿಸಿದೆ. ಆಸ್ಕರ್‌ನಲ್ಲಿ ಉತ್ತಮ ವಿದೇಶಿ ಚಿತ್ರ ಎಂದು ಖ್ಯಾತಿಪಡೆದ ಯಶಸ್ವಿ ಚಿತ್ರ ಲಗಾನ್ ಶೂಟಿಂಗ್‌‌ನಲ್ಲಿ ಚಿಂಕಾರಾದ ಅರಣ್ಯವನದಲ್ಲಿ ಅನುಮತಿ ಪಡೆಯದೇ ಶೂಟಿಂಗ್ ನಡೆಸಿರುವುದರಿಂದ ಚಿತ್ರತಂಡದ ವಿರುದ್ದ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ನ್ಯಾಯಾಲಯಕ್ಕೆ ಸಲ್ಲಿಸಿದ್ದರು. ನ್ಯಾಯಾಲಯದಲ್ಲಿ ಆರೋಪಿತರು ಎಪ್ರಿಲ್ 15 ರಂದು ಹಾಜರಿರಬೇಕೆಂದು ವಾರೆಂಟ್ ಜಾರಿ ಮಾಡಿದೆ. ಲಗಾನ್ ಚಿತ್ರ ಬಿಡುಗಡೆಯ ನಂತರ ಸೇವಾ ಸಂಸ್ಥೆಯೊಂದು ನ್ಯಾಯಾಲಯದಲ್ಲಿ ಪ್ರಕರಣ ದಾಖಲಿಸಿತ್ತು. ಗುಜರಾತ್ ಅರಣ್ಯ ಇಲಾಖೆ ಅನೇಕ ನೋಟಿಸ್‌ಗಳನ್ನು ಜಾರಿ ಮಾಡಿದರು ಯಾವುದೇ ಉತ್ತರ ಬಾರದ ಹಿನ್ನೆಲೆಯಲ್ಲಿ ಪ್ರಕರಣ ನ್ಯಾಯಾಲಯದ ಮೆಟ್ಟಲೇರಿದೆ.