ಪಾಕ್ ಜೈಲಿನಲ್ಲಿ 641 ಭಾರತೀಯರು ಗುರುವಾರ, 17 ಏಪ್ರಿಲ್ 2008( 16:57 IST )

ನವದೆಹಲಿ: ಪಾಕಿಸ್ತಾನದ ವಿವಿಧ ಜೈಲುಗಳಲ್ಲಿ 641 ಭಾರತೀಯರು ಬಂಧಿಗಳಾಗಿದ್ದಾರೆ ಎಂದು ಸರಕಾರ ಹೇಳಿದೆ. ಇವರಲ್ಲಿ 436 ಮಂದಿ ಮೀನುಗಾರರು. ರಾಜ್ಯಸಭೆಯಲ್ಲಿ ಲಿಖಿತ ಉತ್ತರ ನೀಡುತ್ತಿದ್ದ, ವಿದೇಶಾಂಗ ವ್ಯವಹಾರಗಳ ಸಚಿವ ಪ್ರಣವ್ ಮುಖರ್ಜಿ ಈ ವಿಷಯ ತಿಳಿಸಿದ್ದು, ಪಾಕಿಸ್ತಾನದ ವಶದಲ್ಲಿರುವ ಭಾರತೀಯರ ವಿಚಾರದ ಕುರಿತು ಇಸ್ಲಾಮಾಬಾದ್ ಜತೆ ಉನ್ನತ ಮಟ್ಟದಲ್ಲಿ ಮಾತುಕತೆ ನಡೆಸಿರುವುದಾಗಿ ತಿಳಿಸಿದರು. 1971ರಿಂದ ಕಾಣೆಯಾಗಿರುವ 74 ರಕ್ಷಣಾ ಸಿಬ್ಬಂದಿಗಳು ಪಾಕಿಸ್ತಾನ ಜೈಲಿನಲ್ಲಿದ್ದಾರೆ ಎಂದು ನಂಬಲಾಗಿದೆ ಎಂದು ಅವರು ತಿಳಿಸಿದರು. ಉಭಯ ರಾಷ್ಟ್ರಗಳಲ್ಲಿರುವ ಕೈದಿಗಳ ಕುರಿತು ಪಟ್ಟಿಗಳನ್ನು ಮಾರ್ಚ್ 31ರಂದು ವಿನಿಮಯ ಮಾಡಿಕೊಳ್ಳಲಾಗಿದೆ ಎಂದೂ ಅವರು ಹೇಳಿದರು. ಪಾಕಿಸ್ತಾನ ಜೈಲಿನಲ್ಲಿರುವ ಮೀನುಗಾರರು ಮತ್ತು ಇತರ ಕೈದಿಗಳಿಗೆ ರಾಯಭಾರ ಕಚೇರಿಯ ಸಂಪರ್ಕ ಅಲಭ್ಯವಾದರೆ, ಅವರಿಗೆ ವಿಧಿಸಲಾಗಿರುವ ಶಿಕ್ಷೆಯ ಪ್ರಮಾಣವನ್ನು ಕಂಡುಹಿಡಿಯಲು ಸಾಧ್ಯವಿಲ್ಲ ಎಂದು ಪ್ರಣಬ್ ನುಡಿದರು.