ತ.ನಾ: ಅಕ್ರಮ ಬಂದೂಕು ಪ್ಯಾಕ್ಟರಿ ಪತ್ತೆ ಪೆರಂಬದೂರ್, ಶನಿವಾರ, 26 ಏಪ್ರಿಲ್ 2008( 12:54 IST )

ಇಲ್ಲಿಗೆ ಸಮೀಪದ ಪಚ್ಚಮಲೈ ಬೆಟ್ಟದಡಿಯ ಸರವಣಪುರಂ ಎಂಬಲ್ಲಿ ಅಕ್ರಮವಾಗಿ ಕಾರ್ಯಾಚರಿಸುತ್ತಿದ್ದ ಬಂದೂಕು ನಿರ್ಮಾಣ ಫ್ಯಾಕ್ಟರಿಯೊಂದನ್ನು ಪೊಲೀಸರು ಪತ್ತೆ ಹಚ್ಚಿದ್ದು, ಈ ಸಂಬಂದ ಓರ್ವ ವ್ಯಕ್ತಿಯನ್ನು ಬಂಧಿಸಿದ್ದಾರೆ. ಕ್ಷಿಪ್ರಕಾರ್ಯಾಚರಣೆ ನಡೆಸಿರುವ ಪೊಲೀಸರು ದೇವದಾಸ್ (47) ಎಂಬಾತನ್ನು ಬಂಧಿಸಿದ್ದು, ಸಿದ್ಧಗೊಂಡಿದ್ದ ಐದು ಗನ್ನುಗಳು ಮತ್ತು ಕೆಲವು ನಿರ್ಮಾಣ ಹಂತದಲ್ಲಿದ್ದ ಗನ್ನುಗಳನ್ನು ವಶಪಡಿಸಿಕೊಂಡಿದ್ದಾರೆ. ಬಂಧಿತ ಆರೋಪಿಯು ಇಂದಹುದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈ ಹಿಂದೆ 1997ರಲ್ಲಿ ಬಂಧನಕ್ಕೀಡಾಗಿದ್ದು, ಆತನ ವಿರುದ್ಧ ಪ್ರಕರಣವಿನ್ನು ಬಾಕಿಯಿದೆ. ಉಗ್ರರು ಹಾಗೂ ನಕ್ಸಲೈಟ್‌ಗಳೊಂದಿಗೆ ಬಂಧಿತನ ಸಂಪರ್ಕದ ಕುರಿತು ತನಿಖೆ ಮುಂದುವರಿದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.