ಪೆಟ್ರೋಲಿಯಂ ಬೆಲೆ ಏರಿಕೆ ಸನ್ನಿಹಿತ?   ನವದೆಹಲಿ, ಸೋಮವಾರ, 2 ಜೂನ್ 2008( 13:32 IST )

PTI ತನ್ನ ಸರಕಾರವು ತೈಲ ಸಹಾಯಧನವನ್ನು ಏರಿಸುವ ಸಾಧ್ಯತೆಯೇ ಇಲ್ಲವೆಂದು ಪ್ರಧಾನಿ ಮನಮೋಹನ್ ಸಿಂಗ್ ಅವರು ಸ್ಪಷ್ಟವಾಗಿ ಹೇಳಿರುವ ಹಿನ್ನೆಲೆಯಲ್ಲಿ ಸದ್ಯವೇ ಪೆಟ್ರೋಲಿಂ ಉತ್ಪನ್ನಗಳ ಬೆಲೆ ಏರಿಕೆ ಸನ್ನಿಹಿತವಾಗಿದೆ ಎಂಬ ಸುಳಿವು ಲಭ್ಯವಾಗಿದೆ. ಜಾಗತಿಕವಾಗಿ ಕಚ್ಚಾತೈಲದ ಬೆಲೆಯು 135 ಡಾಲರ್‌ಗಳಿಗೆ ಏರಿರುವ ಹಿನ್ನೆಲೆಯಲ್ಲಿ, ಭಾರತೀಯ ಆರ್ಥಿಕಾಭಿವೃದ್ಧಿಯು ಭೀತಿಯಡಿ ಸಿಲುಕುತ್ತಿದೆ ಎಂದು ಅವರು ಸೋಮವಾರ ಹೇಳಿದ್ದಾರೆ. ಸದ್ಯವೇ ತೈಲ ಬೆಲೆಗಳ ಏರಿಕೆ ಕುರಿತು ಸೂಚನೆ ನೀಡಿದ ಪ್ರಧಾನಿ, ಭಾರತದಲ್ಲಿ ತೈಲ ಬೆಲೆಗಳು ಜಾಗತಿಕ ಪ್ರವೃತ್ತಿಯ ಪ್ರತಿಫಲನವಲ್ಲ ಎಂದು ಹೇಳಿದರು. ವಿವೇಕಯುಕ್ತವಾದ ಆರ್ಥಿಕ ನೀತಿಗಳ ವಿಸ್ತರಿತ ಒಮ್ಮತಕ್ಕೆ, ಅದರಲ್ಲೂ ವಿಶೇಷವಾಗಿ ತೈಲಬೆಲೆಗಳಿಗೆ ಸಂಬಂಧಿಸಿದಂತೆ ಒಮ್ಮತಕ್ಕೆ ಕರೆ ನೀಡಿದ ಪ್ರಧಾನಿ, ತಮ್ಮ ಸರಕಾರವು ಕುರಡು ನಿಯಂತ್ರಣಗಳತ್ತ ಮರಳುವುದರ ವಿರುದ್ಧವಾಗಿದೆ ಎಂದು ನುಡಿದರು. ಕಳೆದ ನಾಲ್ಕು ವರ್ಷಗಳಲ್ಲಿ ಸೀಮೆಣ್ಣೆ ಬೆಲೆ ಏರಿಸಲು ತಮ್ಮ ಸರಕಾರವು ಅನುವು ನೀಡಲಿಲ್ಲ ಎಂಬುದನ್ನೂ ಅವರು ಬೆಟ್ಟುಮಾಡಿದರು. ಹಣದುಬ್ಪರವು ನಿಯಂತ್ರಣಕ್ಕೆ ಸಿಲುಕದಂತೆ ಏರಿಕೆಯಾಗಿರುವುದನ್ನು ಪ್ರಸ್ತಾಪಿಸಿದ ಅವರು ಯುಪಿಎ ಸರಕಾರವು ಆರ್ಥಿಕ ಅಭಿವೃದ್ಧಿಗೆ ತೊಂದರೆಯಾಗದ ರೀತಿಯಲ್ಲಿ ಬೆಲೆಏರಿಕೆ ತಡೆಯನ್ನು ಬಯಸುತ್ತದೆ. ಯುಪಿಎ ಸರಕಾರವು ಕೈಗೊಂಡಿರುವ ಹಣಕಾಸು ಕ್ರಮಗಳು ಕಾರ್ಯಗತಗೊಂಡ ತಕ್ಷಣವೇ ಹಣದುಬ್ಬರು ತಹಬಂದಿಗೆ ಬರಲಿದೆ ಎಂಬ ವಿಶ್ವಾಸವನ್ನು ಅವರು ವ್ಯಕ್ತಪಡಿಸಿದರು. ಭಾರತೀಯ ಆರ್ಥಿಕತೆಯು ಶೇ.8-9 ದರದಲ್ಲಿ ಮುಂದುವರಿಯಲಿದೆ ಎಂದು ನುಡಿದ ಅವರು ಸ್ಥಿರ ಅಭಿವೃದ್ಧಿಗೆ ಸಾಧ್ಯವಿರುವ ಎಲ್ಲಾ ಕ್ರಮಗಳನ್ನು ಸರಕಾರ ಕೈಗೊಳ್ಳಲಿದೆ ಎಂದು ತಿಳಿಸಿದರು.