ಒರಿಸ್ಸಾ: ನಕ್ಸಲರಿಂದ ಬಿಜೆಡಿ ನಾಯಕನ ಹತ್ಯೆ   ಭುವನೇಶ್ವರ, ಶನಿವಾರ, 7 ಜೂನ್ 2008( 19:30 IST )

ಭುವನೇಶ್ವರ: ಜರಿಸ್ಸಾದ ಕೊರಾಪುಟ್ ಜಿಲ್ಲೆಯ ಸೊರುಪಾಲಿ ಗ್ರಾಮದಲ್ಲಿ ಶಂಕಿತ ನಕ್ಸಲರು ಇನ್ನೋರ್ವ ಬಿಜೆಡಿ ಮುಖಂಡನನ್ನು ಗುಂಡಿಕ್ಕಿ ಕೊಂದಿದ್ದಾರೆ. ಬಂಡುಗಾಂವ್ ಬ್ಲಾಕ್‌ನ ಬಿಜೆಡಿ ಅಧ್ಯಕ್ಷ 38ರ ಹರೆಯದ ದಾನ ಬಿದಿಕಾ ಎಂಬವರು ತನ್ನ ಮನೆಯಲ್ಲಿ ನಿದ್ರಿಸಿದ್ದ ವೇಳೆಗೆ ಅವರ ನಿವಾಸದಲ್ಲೇ ಅವರನ್ನು ಸಾಯಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ನಿದ್ರಿಸುತ್ತಿದ್ದ ಬಿಡಿಕಾ ಅವರನ್ನು ಮನೆಯಿಂದ ಹೊರಬರಲು ತಿಳಿಸಿದ ಸಶಸ್ತ್ರಧಾರಿ ನಕ್ಸಲರು ಸ್ಥಳದಲ್ಲೇ ಅವರ ಮೇಲೆ ಗುಂಡುಹಾರಿಸಿದ್ದಾರೆ. ಸಣ್ಣಗುತ್ತಿಗೆದಾರನೂ ಆಗಿದ್ದ ಬಿದಿಕಾ ಅವರು ಹತ್ಯೆಯ ಸುದ್ದಿ ತಲುಪುತ್ತಲೇ ಹಿರಿಯ ಪೊಲೀಸ್ ಅಧಿಕಾರಿಗಳು ಗ್ರಾಮಕ್ಕೆ ತೆರಳಿದ್ದಾರೆ. ಮೇ 26ರಂದು ನಕ್ಸಲರು ಇನ್ನೋರ್ವ ಬಿಜೆಡಿ ನಾಯಕರಾಗಿದ್ದ ವಕೀಲ ಪ್ರವೀರ್ ಮೊಹಂತಿ ಎಂಬವರನ್ನು ಮಲ್ಕನ್‌ಗಿರಿ ಜಿಲ್ಲೆಯಲ್ಲಿ ಗುಂಡುಹಾರಿಸಿ ಕೊಂದಿದ್ದರು.