ಮಾತುಕತೆಗೆ ಮತ್ತೆ ವಿಘ್ನ; ಭೈಂಸ್ಲಾ ವಿರುದ್ಧ ಕೇಸ್   ಮಂಗಳವಾರ, 10 ಜೂನ್ 2008( 14:15 IST )

ಬಯಾನ: ಮಾತುಕತೆಗೆ ಮುನ್ನ ಬಂಧನದಲ್ಲಿರುವ ಗುಜ್ಜಾರರ ಬಿಡುಗಡೆ ಮತ್ತು 20 ಮಂದಿ ಪ್ರತಿಭಟನಾಕಾರರ ಮೇಲಿನ ಕೊಲೆಪ್ರಕರಣವನ್ನು ಹಿಂತೆಗೆಯಬೇಕು ಎಂಬ ಷರತ್ತನ್ನು ಗುಜ್ಜಾರರ ಮುಖಂಡ ಕಿರೋರಿ ಸಿಂಗ್ ಭೈಂಸ್ಲಾ ಒಡ್ಡಿರುವ ಕಾರಣ, ಸರಕಾರ ಮತ್ತು ಗುಜ್ಜಾರರ ನಡುವಿನ ಮಾತುಕತೆ ಮುರಿದು ಬಿದ್ದಿದೆ. ಸೋಮವಾರದ ಪ್ರಥಮ ಸುತ್ತಿನ ಮಾತುಕತೆಯನ್ನು ಉತ್ತಮ ಆರಂಭ ಎಂದು ಹೇಳಿದ್ದ ಭೈಂಸ್ಲಾ, ಜೈಪುರದಲ್ಲಿನ ಮಾತುಕತೆಗೆ ಮುನ್ನ ಎರಡು ಷರತ್ತುಗಳನ್ನು ಒಡ್ಡಿರುವುದಾಗಿ ಸರಕಾರದ ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ. ಪ್ರಕರಣ ದಾಖಲು ಏತನ್ಮಧ್ಯೆ, ಬಯಾನ ಪೊಲೀಸ್ ಠಾಣೆಯ ಭೀಮ್ ಸಿಂಗ್ ಭಿಕಾ 70ರ ಹರೆಯದ ಕಿರೋರಿ ಸಿಂಗ್ ಭೈಂಸ್ಲಾ ವಿರುದ್ಧ ರಾಜದ್ರೋಹ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.