ಪ.ಬಂ.: ಸರ್ವಪಕ್ಷ ಸಭೆಗೆ ಕರೆ   ಸಿಲ್ಲಿಗುರಿ, ಶುಕ್ರವಾರ, 13 ಜೂನ್ 2008( 08:30 IST )

ಗೋರ್ಕ್ಲ್ಯಾಂಡನ್ನು ಪ್ರತ್ಯೇಕ ರಾಜ್ಯ ಮಾಡಬೇಕೆಂದು ಒತ್ತಾಯಿಸಿ ಮೋರ್ಚಾ ಸಮಿತಿಯು ಪ್ರತಿಭಟನೆ ನಡೆಸುತ್ತಿದ್ದು, ಈ ಸಮಸ್ಯೆಯನ್ನು ಬಗೆಹರಿಸುವ ನಿಟ್ಟಿನಲ್ಲಿ ಪಶ್ಚಿಮ ಬಂಗಾಲ ಮುಖ್ಯಮಂತ್ರಿ ಬುಧ್ದದೇವ್ ಭಟ್ಟಾಚಾರ್ಯ ಜೂನ್ 17ರಂದು ಕೋಲ್ಕತ್ತಾದಲ್ಲಿ ಸರ್ವಪಕ್ಷ ಸಭೆಗೆ ಕರೆ ನೀಡಿದ್ದಾರೆ. ಈ ಸಭೆಗೆ ಗೋರ್ಕಾ ಜನ್ಮುಕ್ತಿ ಮೋರ್ಚಾ ಅವರನ್ನು ಆಮಂತ್ರಿಸಲಾಗಿದೆಯೇ ಎಂಬುದು ಸ್ಪಷ್ಟವಾಗಿಲ್ಲದಿದ್ದರೂ, ಸಭೆಯಲ್ಲಿ ಭಾಗವಹಿಸಲು ತಾನು ಸಿದ್ಧವಿರುವುದಾಗಿ ಮೋರ್ಜಾ ತಿಳಿಸಿದ್ದಾರೆ. ಪ್ರತ್ಯೇಕ ಗೋರ್ಕ್ಲ್ಯಾಂಡ್ ರಾಜ್ಯವನ್ನು ಆಗ್ರಹಿಸಿ ಪೋರ್ಚಾ ಸಮಿತಿಯ ಬೆಂಬಲಿಗರು ದಾರ್ಜ್ಲೀಂಗ್ ಮತ್ತು ಪಶ್ಚಿಮ ಬಂಗಾಲದ ವಿವಿಧ ಪ್ರದೇಶಗಳಲ್ಲಿ ಪ್ರತಿಭಟನೆಯನ್ನು ನಡೆಸುತ್ತಿರುವ ಫಲವಾಗಿ ಈ ನಿರ್ಧಾರವನ್ನು ಕೈಗೊಳ್ಳಲಾಗಿದೆ. ಈ ನಡುವೆ, ಪಶ್ಚಿಮ ಬಂಗಾಲದ ಸಿಲ್ಗುರಿಯಲ್ಲಿ ಬೆಂಗಾಲಿಗರು ಮತ್ತು ಗೋರ್ಕಾಗಳು ಪ್ರತ್ಯೇಕ ಗುಂಪಾಗಿದ್ದು, ಸಂಭಾವ್ಯ ಹಿಂಸಾಚಾರವನ್ನು ನಿಯಂತ್ರಿಸುವ ನಿಟ್ಟಿನಲ್ಲಿ ಸೈನಿಕ ಪಡೆ ಸನ್ನದ್ಧವಾಗಿದೆ.