ಸಾರಿಸ್ಕಾದಲ್ಲಿ ಮತ್ತೊಮ್ಮೆ ಹುಲಿಗಳ ಘರ್ಜನೆ   ಜೈಪುರ, ಶನಿವಾರ, 28 ಜೂನ್ 2008( 13:06 IST )

PTI ಸುಮಾರು ಏಳು ವರ್ಷಗಳ ಬಳಿಕ ರಾಜಸ್ಥಾನದ ಸಾರಿಸ್ಕಾ ವಜ್ಯಜೀವಿ ಧಾಮದಲ್ಲಿ ಮತ್ತೆ ವ್ಯಾಘ್ರನ ಘರ್ಜನೆ ಕೇಳಿಬರಲಿದೆ. ಶನಿವಾರ ಇಲ್ಲಿಗೆ ಎರಡು ಹುಲಿಮರಿಗಳ ಆಗಮನವಾಗುತ್ತಿದೆ. ರಣತಂಬೋರ್ ಹುಲಿ ಉದ್ಯಾನವನದಿಂದ ಒಂದು ಹೆಣ್ಣು ಮತ್ತು ಇನ್ನೊಂದು ಗಂಡು ಹುಲಿಮರಿಗಳು ಇಲ್ಲಿಗೆ ಆಗಮಿಸಲಿವೆ, ಹವಾಮಾನ ಚೆನ್ನಾಗಿದ್ದು ಎಲ್ಲವೂ ಯೋಜನೆಯಂತೆ ನಡೆಯಲಿದೆ ಎಂದು ರಾಷ್ಟ್ರೀಯ ಹುಲಿ ಸಂರಕ್ಷಣಾ ಪ್ರಾಧಿಕಾರದ ಕಾರ್ಯದರ್ಶಿ ರಾಜೇಶ್ ಗೋಪಾಲ್ ಹೇಳಿದ್ದಾರೆ. "ನಾಳೆ ಒಣಹವಾಮಾನವಿದ್ದು ಹುಲಿಮರಿಗಳನ್ನು ಕರೆತರುವ ಹೆಲಿಕಾಫ್ಟರ್ ಯಾವುದೇ ತೊಂದರೆ ಇಲ್ಲದೆ ಇಳಿಯಬಹುದು" ಎಂಬುದಾಗಿ ಅವರು ಶುಕ್ರವಾರ ಹೇಳಿದ್ದಾರೆ. ಈ ಎರಡೂ ಹುಲಿಮರಿಗಳಿಗೆ ರೇಡಿಯೋ ಕಾಲರ್ ಅಳವಡಿಸಲಾಗಿದ್ದು, ಶನಿವಾರ ಮಧ್ಯಾಹ್ನದ ವೇಳೆಗೆ ಅವುಗಳ ಆಗಮನದ ಸಂಪೂರ್ಣ ಪ್ರಕ್ರಿಯೆ ಪೂರ್ಣಗೊಳ್ಳಲಿದೆ ಎಂದು ಅವರು ತಿಳಿಸಿದ್ದಾರೆ.