ಭೂವಿವಾದ: ಜಮ್ಮು ಬಂದ್‌ಗೆ ಬಿಜೆಪಿ ಕರೆ   ಜಮ್ಮು, ಸೋಮವಾರ, 30 ಜೂನ್ 2008( 12:22 IST )

ಅಮರನಾಥ ಮಂಡಳಿಗೆ 100 ಎಕರೆ ಅರಣ್ಯಭೂಮಿ ಬೇಡಿಕೆಯನ್ನು ಜಮ್ಮು ಕಾಶ್ಮೀರ ರಾಜ್ಯಪಾಲ ಹಾಗೂ ಮಂಡಳಿಯ ಅಧ್ಯಕ್ಷರೂ ಆಗಿರುವ ಎನ್.ಎನ್.ವೋರಾ ಅವರು ಹಿಂತೆಗೆದಿರುವುದನ್ನು, ಹಿಂದೂ ಬಾಹುಳ್ಯದ ಜಮ್ಮು ಪ್ರಾಂತ್ಯದ ವಿವಿಧ ರಾಜಕೀಯ ಪಕ್ಷಗಳು ಪ್ರಬಲವಾಗಿ ವಿರೋಧಿಸಿವೆ. ಬಿಜೆಪಿಯು ಸೋಮವಾರ ಸಂಪೂರ್ಣ ಜಮ್ಮು ಬಂದ್‌ಗ ಕರೆ ನೀಡಿದೆ. "ಈ ಪ್ರಕರಣಕ್ಕೆ ಕಾಂಗ್ರೆಸ್ ಮತ್ತು ಪಿಡಿಪಿ ಕೋಮು ಬಣ್ಣ ನೀಡಿದೆ. ಮತ್ತು ಇವರಿಗೆ ನ್ಯಾಶನಲ್ ಕಾನ್ಫರೆನ್ಸ್ ಬೆಂಬಲಿಸುತ್ತಿದೆ. ಇದರಿಂದಾಗಿ ಜಮ್ಮು ಜನತೆಯ ಭಾವನೆಗಳಿಗೆ ನೋವುಂಟಾಗಿದೆ" ಎಂದು ರಾಜ್ಯ ಬಿಜೆಪಿ ಉಸ್ತುವಾರಿ ವಹಿಸಿರುವ ಆರ್.ಪಿ.ಸಿಂಗ್ ಹೇಳಿದ್ದಾರೆ. ಜಮ್ಮುವಿನಲ್ಲಿ ನೆಲೆಕಾಣಲು ಪ್ರಯತ್ನಿಸುತ್ತಿರುವ ಬಿಎಸ್‌ಪಿ ಮತ್ತು, ಲೋಕಜನಶಕ್ತಿಗಳೂ ಸಹ ತಿರುಗಿಬಿದ್ದ ಸರಕರಾದ ಕ್ರಮವನ್ನು ಖಂಡಿಸಿವೆ. 2006ರ ತನಕದ ಸಂಯುಕ್ತ ಸರಕಾರದ ಅಂಗವಾಗಿದ್ದ ಪ್ಯಾಂಥರ್ಸ್ ಪಕ್ಷವೂ ಈ ವಿಚಾರದಲ್ಲಿ ಕಾಂಗ್ರೆಸ್ ನೇತೃತ್ವದ ಸರಕಾರಕ್ಕೆ ಬೆಂಬಲ ನೀಡಲು ನಿರಾಕರಿಸಿದೆ.