ಕೇಂದ್ರ ನೌಕರರಿಗೆ ಶೇ.5 ತುಟ್ಟಿಭತ್ಯೆ ಹೆಚ್ಚಳ   ಬುಧವಾರ, 16 ಜುಲೈ 2008( 20:41 IST )

ನವದೆಹಲಿ: ಸರಕಾರವು ಕೇಂದ್ರ ಸರಕಾರಿ ನೌಕರರ ತುಟ್ಟಿಭತ್ಯೆಯನ್ನು ಶೇ.5ರಷ್ಟು ಹೆಚ್ಚಳ ಮಾಡಿದೆ. ತಮ್ಮ ಜೀವನ ವೆಚ್ಚವನ್ನು ಭರಿಸುವಲ್ಲಿ ಸಹಾಯವಾಗುವ ನಿಟ್ಟಿನಲ್ಲಿ ಈ ಏರಿಕೆ ಮಾಡಲಾಗಿದೆ ಎಂದು ಸರಕಾರಿ ಮೂಲಗಳು ತಿಳಿಸಿವೆ. ಇದರಿಂದಾಗಿ ಕೇಂದ್ರ ಸಾರ್ವಜನಿಕ ವಲಯದ ಉದ್ದಿಮೆ(ಸಿಪಿಎಸ್ಇ)ಗಳಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಉದ್ಯೋಗಿಗಳು ಇನ್ನು ಮುಂದೆ ಶೇ84.4 ತುಟ್ಟಿ ಭತ್ಯೆ ಪಡೆಯಲಿದ್ದಾರೆ. ಈ ಏರಿಕೆಯು ಜುಲೈ ಒಂದಿರಿಂದ ಅನ್ವಯವಾಗುವಂತೆ ಜಾರಿಗೆ ಬರಲಿದೆ. ಸಿಪಿಎಸ್ಇಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಉದ್ಯೋಗಿಳು ಈ ಹಿಂದೆ ತಮ್ಮ ಮೂಲ ವೇತನದ ಶೇ.79.4ರಷ್ಟು ತುಟ್ಟಿಭತ್ಯೆ ಪಡೆಯುತ್ತಿದ್ದರು. ಸಾರ್ವಜನಿಕ ಉದ್ದಿಮೆಗಳ ಸ್ಥಾಯಿ ಸಮಿತಿಯ ಪ್ರಕಾರ, ಇದರಿಂದಾಗಿ ಕೇಂದ್ರದ ಸಾರ್ವಜನಿಕ ಸೇವೆಯಲ್ಲಿರುವ ಎಲ್ಲಾ ಮಂಡಳಿ ಮಟ್ಟದ ಪ್ರತಿನಿಧಿಗಳು, ಕೆಳಗಿನ ಸ್ಥರದ ಅಧಿಕಾರಿಗಳು, ಮತ್ತು ಕಾರ್ಮಿಕರು ಈ ಹೆಚ್ಚಳದ ಅನುಕೂಲ ಪಡೆಯಲಿದ್ದಾರೆ. ಇದರಿಂದಾಗಿ ಅಗತ್ಯವಸ್ತುಗಳ ಬೆಲೆ ಏರಿಕೆಯಿಂದ ಬಳಲುತ್ತಿರುವ ಸಿಪಿಎಸ್ಇ ಉದ್ಯೋಗಿಗಳಿಗೆ ನಿರಾಳವಾಗಲಿದೆ. ತುಟ್ಟಿಭತ್ಯೆಯು ಮುಂದಿನ ಕಂತಿನ ಏರಿಕೆ ಅಕ್ಟೋಬರ್ ಒಂದರಂದು ನಡೆಯಲಿದೆ.