ಚಟರ್ಜಿ ವಿರುದ್ಧ ಶಿಸ್ತು ಕ್ರಮ?   ಮಂಗಳವಾರ, 22 ಜುಲೈ 2008( 09:27 IST )

ನವದೆಹಲಿ‌: ಸೋಮನಾಥ ಚಟರ್ಜಿ ತಮ್ಮ ಲೋಕಸಭಾ ಸ್ಪಿಕರ್ ಸ್ಥಾನಕ್ಕೆ ರಾಜಿನಾಮೆ ನೀಡದ್ದು ಸಿಪಿಎಂನ ಕೆಂಗಣ್ಣಿಗೆ ಕಾರಣವಾಗಿದ್ದು ಅವರ ಮೇಲೆ ಪಕ್ಷ ಶಿಸ್ತು ಕ್ರಮ ಕೈಗೊಳ್ಳುವ ಮುನ್ಸೂಚನೆ ದೊರಕಿದೆ. ಈ ವಿಷಯವನ್ನು ಪಕ್ಷದ ಅತ್ಯುನ್ನತ ನೀತಿ ನಿರೂಪಣಾ ಸಮಿತಿಯಾದ ಪಾಲಿಟ್ ಬ್ಯೂರೊದ ಗಮನಕ್ಕೆ ತರಲಾಗುವುದು ಎಂದು ಪಕ್ಷದ ನಾಯಕ ಸಿತಾರಾಂ ಯೆಚೂರಿ ತಿಳಿಸಿದ್ದಾರೆ. ಸರಕಾರ ವಿಶ್ವಾಸಮತ ಯಾಚಿಸುವ ಮುಂಚಿತವಾಗಿ ಚಟರ್ಜಿ ತಮ್ಮ ಸ್ಥಾನಕ್ಕೆ ರಾಜಿನಾಮೆ ಸಲ್ಲಿಸಬಹುದೆಂದು ಸಿಪಿಯಂ ನಿರೀಕ್ಷಿಸಿತ್ತು.