ಬಿಹಾರದ ಲಕಿಸರಾಯ್ ಜಿಲ್ಲೆಯಲ್ಲಿ ಸಂಭವಿಸಿದ ಟ್ರಕ್ ದುರಂತದಲ್ಲಿ ಸತ್ತವರ ಸಂಖ್ಯೆ ಏರಿಕೆಯಾಗಿದೆ. ನಿನ್ನೆ ನಡೆದ ಅಫಘಾತದಲ್ಲಿ ಗಾಯಗೊಂಡಿದ್ದ ಇತರ ಐದು ಜನರು ಸಾವಿಗೀಡಾಗಿದ್ದಾರೆ ಎಂದು ಪೊಲೀಸರು ಭಾನುವಾರ ತಿಳಿಸಿದ್ದಾರೆ.
ಕಳೆದ ರಾತ್ರಿ, ಇಳುವರಿಯಾಗಿದ್ದ ಬೆಳೆ ಮತ್ತು ಜನರನ್ನು ಒತ್ತಾಗಿ ತುಂಬಿಕೊಂಡು ಹೊತ್ತೊಯ್ಯುತ್ತಿದ್ದ ಟ್ರಕ್, ಘೊಂಗ್ಸಾದ ಸಮೀಪ ತೊರೆಯೊಂದಕ್ಕೆ ಉರುಳಿ ಸಂಭವಿಸಿದ ದುರಂತದಲ್ಲಿ 35 ಮಂದಿ ರೈತರು ಸತ್ತಿದ್ದು, 15 ಮಂದಿ ಗಾಯಗೊಂಡಿದ್ದರು. ಅವರಲ್ಲಿ 10 ಮಂದಿ ತೀವ್ರವಾಗಿ ಗಾಯಗೊಂಡಿದ್ದರು.
ಜಮಿಯ್ ಜಿಲ್ಲೆಯ ಸಿಖಂದ್ರದ ಆಸ್ಪತ್ರೆಗೆ ಅವರನ್ನು ಸೇರಿಸಲಾಗಿತ್ತು. ಗಾಯಗೊಂಡಿದ್ದ 10 ಮಂದಿಯಲ್ಲಿ, ಐದು ಮಂದಿಯು ತೀವ್ರ ಜೀವನ್ಮರಣ ಹೋರಾಟದ ಬಳಿಕ ಮೃತರಾಗಿದರು ಎಂದು ಸೂಪರಿಂಡೆಂಟ್ ಆಫ್ ಪೋಲಿಸ್ ಎಸ್.ಪಿ.ಶುಕ್ಲಾ ತಿಳಿಸಿದ್ದಾರೆ.
ತೊರೆ ಸಮೀಪದಲ್ಲಿ ಟ್ರಕ್ ಚಾಲಕ ಹತೋಟಿ ಕಳೆದುಕೊಂಡ ಪರಿಣಾಮ, ಈ ದುರಂತ ಸಂಭವಿಸಿತು. ಟ್ರಕ್ನಲ್ಲಿದ್ದ ಜನರ ಮೇಲೆ ಬೆಳೆಯ ಹೊರೆ ಮತ್ತು ಟ್ರಕ್, ತೊರೆಗೆ ಉರುಳಿದ ಪರಿಣಾಮ ಬಹತೇಕ ಮಂದಿ ಮರಣ ಹೊಂದಿದರು ಎಂದು ಮೂಲಗಳು ತಿಳಿಸಿವೆ.
|