ಕೋಟಾ ಮಂದಿರ ದುರಂತ: 1 ಸಾವು, 135 ಗಾಯ ಸೋಮವಾರ, 11 ಆಗಸ್ಟ್ 2008( 11:18 IST )

ಜೈಪುರ: ಏಣಿಯೊಂದು ಕುಸಿದು ಓರ್ವ ಯಾತ್ರಾರ್ಥಿ ಸಾವನ್ನಪ್ಪಿದ್ದು, ಇತರ 135 ಮಂದಿ ಗಾಯಗೊಂಡಿರುವ ಘಟನೆ ಕೋಟಾ ಸಮೀಪದ ಶಿವದೇವಾಲಯದಲ್ಲಿ ಸಂಭವಿಸಿದೆ. ರಾಜಸ್ಥಾನದ ಕೋಟಾ ಜಿಲ್ಲೆಯ ಚಂಬಲ್ ಪ್ರದೇಶದಲ್ಲಿರುವ ಮಂದಿರದಲ್ಲಿ ಈ ದುರಂತ ಸಂಭವಿಸಿದೆ. ಬೃಹತ್ ಏಣಿ ಕುಸಿದ ಕಾರಣ ಸುಮಾರು 70 ಮಂದಿ ಯಾತ್ರಾರ್ಥಿಗಳು ದೇವಾಲಯದ ಒಳಗೆ ಸಿಲುಕಿಕೊಂಡಿದ್ದಾರೆ ಎಂದು ಇತರ ಭಕ್ತಾದಿಗಳು ತಿಳಿಸಿದ್ದಾರೆ. ಪರಿಹಾರ ಕಾರ್ಯಕ್ಕಾಗಿ ಜಿಲ್ಲಾಡಳಿತೆಗೆ ಸಹಕರಿಸಲು ಸೇನೆಯನ್ನು ವಿನಂತಿಸಲಾಗಿದೆ.