ಅಸ್ಸಾಂ ಬಾಂಬ್ ಸ್ಫೋಟ: ಉಲ್ಫಾ ಕೈವಾಡ ಶಂಕೆ ಗುಹಾವಟಿ, ಶನಿವಾರ, 16 ಆಗಸ್ಟ್ 2008( 10:43 IST )

ಸ್ವಾತಂತ್ರ್ಯ ದಿನಾಚರಣೆಯ ದಿನ ಅಸ್ಸಾಂನಲ್ಲಿ ಸರಣಿ ಬಾಂಬ್ ಸ್ಫೋಟ ನಡೆದಿರುವ ಬೆನ್ನಲ್ಲೇ, ಅಸ್ಸಾಂನ ಬೊಂಗೇಗಾನ್ ಜಿಲ್ಲೆಯಲ್ಲಿ ಶನಿವಾರ ಮುಂಜಾನೆ ಎರಡು ಬಾಂಬ್ ಸ್ಫೋಟಿಸಿದ್ದು, ಈ ಸ್ಫೋಟದ ಹಿಂದೆ ಉಲ್ಫಾ ಉಗ್ರರ ಕೈವಾಡವಿದೆ ಎಂದು ಶಂಕಿಸಲಾಗಿದೆ. ಮೊದಲ ಸ್ಫೋಟವು ಸ್ವಾಹಿದ್‌ಬೇಡಿಯ ಪೊಲೀಸ್ ಚೆಕ್‌ಪಾಯಿಂಟ್ ಬಳಿ ಮುಂಜಾನೆ 8.10ಕ್ಕೆ ಸಂಭವಿಸಿದ್ದು, ಐದು ನಿಮಿಷಗಳ ನಂತರ ಪಾಗ್ಲತನ್‌ನಲ್ಲಿ ಎರಡನೇ ಸ್ಫೋಟ ಸಂಭವಿಸಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ. ಶುಕ್ರವಾರ ಸ್ವಾತಂತ್ರ್ಯ ದಿನಾಚರಣೆ ಸಂಭ್ರಮದಲ್ಲಿದ್ದ ಅಸ್ಸಾಂನ ಚಿರಂಗ್ ಮತ್ತು ದುಬ್ರಿ ಜಿಲ್ಲೆಯ ಪೆರೇಡ್ ಮೈದಾನದಲ್ಲಿ ಸರಣಿ ಬಾಂಬ್ ಸ್ಫೋಟ ಸಂಭವಿಸಿದ್ದ ಪರಿಣಾಮವಾಗಿ ಎರಡು ಮಂದಿ ಗಾಯಗೊಂಡಿದ್ದರು.