ಅಮರನಾಥ ಸಂಘರ್ಷ ಸಮಿತಿಯ ಪ್ರತಿಭಟನೆ ದೆಹಲಿಗೆ ತಲುಪಿದ್ದು, ಗುರುವಾರ ದೆಹಲಿಯಲ್ಲಿ ಪ್ರತಿಭಟನಕಾರರು ಬಂಧನಕ್ಕೀಡಾದರು.
ವಿಶ್ವಹಿಂದೂ ಪರಿಷತ್ ನಾಯಕ ಪ್ರವೀಣ್ ತೊಗಾಡಿಯಾ ಮತ್ತು ದೆಹಲಿ ವಿಧಾನಸಭೆಯ ಶಾಸಕರಾದ ಒ.ಪಿ.ಬಬ್ಬರ್, ಜಗದೀಶ್ ಮುಖಿ ಮತ್ತು ಎಚ್.ಎಸ್.ಬಾಲಿ ಅವರು ದೆಹಲಿಯಲ್ಲಿ ಪ್ರತಿಭಟನೆ ನಡೆಸಿ ಇತರರೊಂದಿಗೆ ಬಂಧನಕ್ಕೀಡಾದರು.
ಅಮರನಾಥ ಸಂಘರ್ಷ ಸಮಿತಿಯ ವಿವಿಧ ಸಂಘಟನೆಗಳ ಸದಸ್ಯರು ದೆಹಲಿಯ ಆರು ಪ್ರದೇಶಗಳ ದೆಹಲಿ ಉಪ ಆಯುಕ್ತರ ಕಚೇರಿಗಳಿಗೆ ಮೆರವಣಿಗೆ ತೆರಳಿ ಬಂಧನಕ್ಕೀಡಾದರು.
ಜೈಲ್ ಭರೋ ಕಾರ್ಯಕ್ರಮದಂಗವಾಗಿ ಏಳು ಸಾವಿರಕ್ಕೂ ಅಧಿಕ ಮಂದಿ ಬಂಧನಕ್ಕೀಡಾದರು ಎಂದು ಸಮಿತಿಯ ವಕ್ತಾರ ವಿನೋದ್ ಬನ್ಸಾಲ್ ಹೇಳಿದ್ದಾರೆ.
ಅಮರನಾಥ ಮಂದಿರ ಮಂಡಳಿಗೆ ಮಂಜೂರಾಗಿದ್ದ ಅರಣ್ಯ ಭೂಮಿ ಹಸ್ತಾಂತರದ ರದ್ದತಿಯನ್ನು ಪ್ರತಿಭಟಿಸಿ ಸಮಿತಿಯು ಪ್ರತಿಭಟನೆ ನಡೆಸುತ್ತಿದೆ.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ