ಶ್ರೀನಗರ: ಹುರಿಯತ್ ಕಾನ್ಫರೆನ್ಸ್ ಶುಕ್ರವಾರ ಬೃಹತ್ ಈದ್ಗಾ ಜಾಥಾಗೆ ಕರೆ ನೀಡಿದ್ದು ಇದರಲ್ಲಿ ಲಕ್ಷಾಂತರ ಮಂದಿ ಪಾಲ್ಗೊಳ್ಳಲಿದ್ದಾರೆ.
ಈದ್ಗಾ ಚಲೋ ಜಾಥಾವು ಮಧ್ಯಾಹ್ನ ಎರಡು ಗಂಟೆಗೆ ಆರಂಭವಾಗಲಿದ್ದು, ಇದರಲ್ಲಿ ಕನಿಷ್ಠ ಐದು ಲಕ್ಷ ಮಂದಿ ಪಾಲ್ಗೊಳ್ಳಲಿದ್ದಾರೆ ಎಂದು ನಿರೀಕ್ಷಿಸಲಾಗಿದೆ.
ಕಳೆದ ವಾರ ಮುಜಾಫರಾಬಾದ್, ಪಾಂಪೋರ್‌ನ ವಿಶ್ವಸಂಸ್ಥೆಯ ಕಚೇರಿಯ ಹೊರಗಡೆ ನಡೆಸಿದ ಬಲಪ್ರದರ್ಶನದ ಬಳಿಕ ಶುಕ್ರವಾರದ ರ‌್ಯಾಲಿ ನಡೆಯುತ್ತಿದೆ.
ಶುಕ್ರವಾರದ ಈ ಪ್ರತಿಭಟನೆಯು ಭದ್ರತಾಪಡೆಗಳಿಗೆ ದೊಡ್ಡ ತಲೆನೋವಾಗಿದೆ. ಈ ಹಿಂದಿನ ಪ್ರತಿಭಟನೆಯ ವೇಳೆಗೆ ಪ್ರತಿಭಟನಾಕಾರರನ್ನು ಭದ್ರತಾಪಡೆಗಳು ನಿಭಾಯಿಸಿರುವ ರೀತಿಯು ವ್ಯಾಪಕ ಟೀಕೆಗೀಡಾಗಿದೆ.
ನಿರಾಯುಧರಾಗಿರುವ ಪ್ರತಿಭಟನಾಕಾರರ ಮೇಲೆ ಗುಂಡುಹಾರಿಸಬಾರದು, ಬದಲಿಗೆ, ಅಶ್ರುವಾಯು, ರಬ್ಬರ್ ಗುಂಡುಗಳು ಅಥವಾ ಲಾಠಿಚಾರ್ಜ್ ನಡೆಸಬೇಕು ಎಂಬ ಕಟ್ಟುನಿಟ್ಟಿನ ಆದೇಶ ನೀಡಲಾಗಿದೆ.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ