ಸಿಂಗೂರ್ ಭೂಮಿ ವಿವಾದ ಕುರಿತಂತೆ ಭಾನುವಾರ ಶಾಂತಿಯುತ ಅನಿರ್ದಿಷ್ಟಾವಧಿ ಪ್ರತಿಭಟನೆ ನಡೆಸುವಂತೆ ಕಾರ್ಯಕರ್ತರಿಗೆ ಕರೆ ನೀಡಿದ ತೃಣಮೂಲ ಕಾಂಗ್ರೆಸ್ ನಾಯಕಿ ಮಮತಾ ಬ್ಯಾನರ್ಜಿ, ನ್ಯಾನೊ ಘಟಕ ಸ್ಥಳಾಂತರ ಬೇಡ. ಕಾರ್ಖಾನೆ 600 ಎಕರೆಗೆ ಸೀಮಿತವಾಗಿರಲಿ ಎಂದು ಹೇಳಿದ್ದಾರೆ.
ಟಾಟಾ ಮೋಟಾರ್ಸ್ ಘಟಕದ ಮುಖ್ಯದ್ವಾರದ ಬಳಿ ನಿರ್ಮಿಸಲಾದ ವೇದಿಕೆಯಿಂದ ಮಾತನಾಡಿದ ಮಮತಾ, ನೀವು ನಕ್ಕರೆ ಇತರರು ನಗುತ್ತಾರೆ ನ್ಯಾನೊ ಘಟಕಕ್ಕೆ ನೀಡಿದ 400 ಎಕರೆ ರೈತರ ಭೂಮಿಯನ್ನು ಮರಳಿಸುವಂತೆ ಆಗ್ರಹಿಸಿದರು.
ಟಾಟಾ ಮೋಟಾರ್ಸ ಅಧಿಕಾರಿಗಳು ನನಗೆ ಬರೆದ ಪತ್ರದಲ್ಲಿ ನ್ಯಾನೊ ಘಟಕಕ್ಕೆ 600 ಎಕರೆ ಭೂಮಿ ಮಾತ್ರ ಅಗತ್ಯವಾಗಿದೆ ಎಂದು ಹೇಳಿದ್ದು ದಯವಿಟ್ಟು ದಿನಕ್ಕೊಂದು ನಿಲುವು ಬದಲಿಸಬೇಡಿ ಎಂದು ಮಮತಾ ಟಾಟಾ ಅಧಿಕಾರಿಗಳಿಗೆ ಮನವಿ ಮಾಡಿದರು.
ತಾವು ಹಮ್ಮಿಕೊಂಡ ಅನಿರ್ದಿಷ್ಟಾವಧಿ ಸತ್ಯಾಗೃಹ ಶಾಂತಿಯುತವಾಗಿರಲಿ ಎಂದು ಕಾರ್ಯಕರ್ತರಿಗೆ ಹಾಗೂ ಬೆಂಬಲಿಗರಿಗೆ ಮಮತಾ ಬ್ಯಾನರ್ಜಿ ಮನವಿ ಮಾಡಿದರು.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ