ಭಾರೀ ಬೆಂಕಿ ದುರಂತ: ಕೋಟ್ಯಂತರ ರೂ ನಷ್ಟ ಚೆನ್ನೈ, ಸೋಮವಾರ, 1 ಸೆಪ್ಟೆಂಬರ್ 2008( 10:40 IST )

ಇಲ್ಲಿನ ತ್ಯಾಗರಾಜ ನಗರದ ಜನನಿಬಿಡ ರಂಗನಾಥನ್ ಬೀದಿಯ ವಾಣಿಜ್ಯ ಮಳಿಗೆಯೊಂದರ ನಾಲ್ಕನೆ ಮಹಡಿಯಲ್ಲಿ ಬೆಂಕಿ ಅನಾಹುತ ಸಂಭವಿಸಿದ್ದು, ಕೋಟ್ಯಂತರ ರೂಪಾಯಿಯ ಸಾಮಾಗ್ರಿ ಹಾನಿಗೀಡಾಗಿದೆ. ಅದೃಷ್ಟವಶಾತ್ ಯಾವುದೇ ಜೀವಹಾನಿಯಾಗಿರುವ ಕುರಿತು ವರದಿಯಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. ಸೋಮವಾರ ಮುಂಜಾನೆ ಈ ದುರಂತ ಸಂಭವಿಸಿದ್ದು, ಬೆಂಕಿ ಅಪಘಾತಕ್ಕೆ ಕಾರಣ ತಿಳಿದುಬಂದಿಲ್ಲ. ಅಗ್ನಿಶಾಮಕ ದಳದ ಸುಮಾರು 20 ಮಂದಿ ಬೆಂಕಿಯ ಜ್ವಾಲೆಯನ್ನು ಆರಿಸಲು ಪ್ರಯತ್ನಿಸುತ್ತಿದ್ದಾರೆ. ಅಪಾಘಾತಕ್ಕೆ ಕಾರಣವೇನು ಎಂಬ ಕುರಿತು ತನಿಖೆ ಪ್ರಗತಿಯಲ್ಲಿದೆ.