ಬುಶ್ ಆಡಳಿತ ಮತ್ತು ಅಮೆರಿಕ ಕಾಂಗ್ರೆಸ್ ನಡುವಿನ ಪತ್ರವ್ಯವಹಾರವನ್ನು ವಿವಾದಾಸ್ಪದ ಎಂದು ಬಿಂಬಿಸುವ ಎಲ್ಲಾ ಸಿದ್ಧಾಂತಗಳನ್ನು ತಳ್ಳಿಹಾಕಿರುವ ಅಣುಶಕ್ತಿ ಆಯೋಗದ ಮುಖ್ಯಸ್ಥ ಅನಿಲ್ ಕಾಕೋಡ್ಕರ್ ಅವರು, ಈ 'ರಹಸ್ಯ ಪತ್ರ'ದ ಕುರಿತು ನವದೆಹಲಿಗೆ ತಿಳಿದಿತ್ತು ಆದರೆ, ಅಮೆರಿಕವು ಇದನ್ನು ಬಹಿರಂಗ ಪಡಿಸುತ್ತದೆ ಎಂಬುದು ತಿಳಿದಿರಲಿಲ್ಲ ಎಂದು ಹೇಳಿದ್ದಾರೆ.
ಖಾಸಗಿ ವಾಹಿನಿಯೊಂದಕ್ಕೆ ನೀಡಿರುವ ಸಂದರ್ಶನದಲ್ಲಿ, ಅಮೆರಿಕದ ಈ ದಾಖಲೆಪತ್ರದ ಕುರಿತು ಯುಪಿಎ ಸರಕಾರಕ್ಕೆ ತಿಳಿದಿತ್ತು ಎಂದು ಹೇಳಿದರಾದರೂ, ಇದನ್ನು ಅತ್ಯಂತ ಗೌಪ್ಯವೆಂದು ಪರಿಗಣಿಸಲಾಗಿತ್ತು ಎಂದು ಹೇಳಿದ್ದಾರೆ.
ಅಣು ಪರೀಕ್ಷೆಯ ಹಕ್ಕಿನ ಕುರಿತು ಕೇಳಲಾದ ಪ್ರಶ್ನೆಗೆ ಉತ್ತರಿಸಿರುವ ಅವರು, ಒಂದೊಮ್ಮೆ ಅಣು ಪರೀಕ್ಷೆ ನಡೆಸಿದಲ್ಲಿ ಭಾರತದ ಅಣು ಸ್ಥಾವರಗಳ ಸುಲಲಿತ ಕಾರ್ಯಾಚರಣೆಗೆ ಭಾರತವೇ ಹೊಣೆ ಎಂದು ಹೇಳಿದ್ದಾರೆ.
ಪ್ರಧಾನಿ ಮನಮೋಹನ್ ಸಿಂಗ್ ಅವರೂ, "ನಮಗೆ ಕ್ರಿಯೆಯ ಹಕ್ಕಿದೆ. ಅಂತೆಯೆ ಅಮೆರಿಕಕ್ಕೆ ಪ್ರತಿಕ್ರಿಯೆ ಹಕ್ಕಿದೆ" ಎಂದು ಹೇಳಿದ್ದಾರೆ.
ಈ ಒಪ್ಪಂದವು ರಾಷ್ಟ್ರದ ಮತ್ತು ವಿಶ್ವದ ಒಳಿತಿಗೆ ಅನುಕೂಲವಾಗುತ್ತದೆ ಎಂದಿರುವ ಅವರು, ಭಾರತ ಮತ್ತು ಅದರ ಕ್ಷಿಪ್ರ ಬೆಳವಣಿಗೆಗೆ ಅಗತ್ಯ ಇರುವ ಹೆಚ್ಚಿನ ಇಂಧನವನ್ನು ಇದು ಪೂರೈಸುತ್ತದೆ ಎಂದು ಹೇಳಿದ್ದಾರೆ.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
