ಒಂದೊಮ್ಮೆ ಗುಜರಾತ್ ರಾಜ್ಯದ ಶಿಕ್ಷಣ ಇಲಾಖೆಯು ತನ್ನ ನಿರ್ಧಾರದಂತೆ ಮುಂದುವರಿದರೆ, 8, 9 ಮತ್ತು ಹತ್ತನೆ ತರಗತಿಯ ಸುಮಾರು ಮಿಲಿಯಗಟ್ಟಲೆ ವಿದ್ಯಾರ್ಥಿಗಳು ಪರೀಕ್ಷಾ ಕೊಠಡಿಯೊಳಗೆ ಪುಸ್ತಕ ಕೊಂಡೊಯ್ಯಲಿದ್ದಾರೆ.
ಗುಜರಾತಿನ ಪ್ರೌಢಶಿಕ್ಷಣ ಮಂಡಳಿಯು ಈ ಕುರಿತು ಸರಕಾರಕ್ಕೆ ಪ್ರಸ್ತಾಪವೊಂದನ್ನು ಕಳುಹಿಸಿದೆ. ಇದಕ್ಕೆ ಸರಕಾರವೇನಾದರೂ ಒಪ್ಪಿದಲ್ಲಿ, 2008-09ರ ಪರೀಕ್ಷೆಯಲ್ಲಿ ಮೂರು ಪಂಗಡದ ವಿದ್ಯಾರ್ಥಿಗಳು ಪುಸ್ತಕ ನೋಡಿ ಪರೀಕ್ಷೆ ಬರೆಯಲಿದ್ದಾರೆ. ಗಣಿತ-ವಿಜ್ಞಾನ-ಸಮಾಜ, ಗುಜರಾತಿ-ಸಂಸ್ಕೃತ-ಇಂಗ್ಲೀಷ್ ಮತ್ತು ದೈಹಿಕ ಶಿಕ್ಷಣ-ಚಿತ್ರಕಲೆ-ಸಂಗೀತ-ಕಂಪ್ಯೂಟರ್ ವಿದ್ಯಾರ್ಥಿಗಳು ಪರೀಕ್ಷಾ ಕೊಠಡಿಗೆ ಪುಸ್ತಕ ಒಯ್ಯಬಹುದಾಗಿದೆ.
ಶಿಕ್ಷಣ ಮತ್ತು ಪರೀಕ್ಷಾ ಸಮಿತಿಗಳ ಕಾರ್ಯಕಾರಿ ಸಮಿತಿಯ ಅಂಗೀಕಾರದ ಬಳಿಕ ಈ ನಿರ್ಧಾರವನ್ನು ಕೈಗೊಳ್ಳಲಾಗಿದೆ ಎಂದು ಶಿಕ್ಷಣ ಮಂಡಳಿಯ ಆರ್.ಕೆ.ಪಾಠಕ್ ಹೇಳಿದ್ದಾರೆ.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
