ಪಶ್ಚಿಮಬಂಗಾಳ ಮುಖ್ಯಮಂತ್ರಿ ಬುದ್ಧದೇವ್ ಭಟ್ಟಾಚಾರ್ಜಿ ಮತ್ತು ತೃಣಮೂಲ ಕಾಂಗ್ರೆಸ್ ನಾಯಕಿ ಮಮತಾ ಬ್ಯಾನರ್ಜಿ ನಡುವಿನ ಮಾತುಕತೆ ವಿಫಲವಾಗುವುದರೊಂದಿಗೆ ಸಿಂಗೂರು ವಿವಾದಕ್ಕೆ ತೆರೆಕಾಣಲಿದೆ ಎಂಬ ಆಸೆ ಕಮರಿದೆ.
ಟಾಟಾವು ನ್ಯಾನೋ ಬಿಡುಗಡೆಗೆ ನಿಗದಿ ಮಾಡಿರುವ ದಿನ ಸಮೀಪಿಸುತ್ತಿದೆ. ಏತನ್ಮಧ್ಯೆ ಪೂನಾ ಸ್ಥಾವರದಿಂದ ಮೊದಲ 1000 ನ್ಯಾನೋ ಕಾರುಗಳನ್ನು ಬಿಡುಗಡೆ ಮಾಡುವುದಾಗಿ ಟಾಟಾ ಸಂಸ್ಥೆ ಶುಕ್ರವಾರ ಘೋಷಿಸಿದೆ.
ಐದು ದಿನಗಳೊಳಗಾಗಿ ಮಮತಾ ಹಾಗೂ ಬುದ್ಧದೇವ್ ನಡುವೆ ನಡೆಯುತ್ತಿರುವ ಎರಡನೆ ಮಾತುಕತೆ ಇದಾಗಿದ್ದು, ಇಬ್ಬರು ನಾಯಕರು ಒಮ್ಮತಕ್ಕೆ ಬರುವಲ್ಲಿ ವಿಫಲಾಗಿದ್ದಾರೆ.
ಸಿಂಗೂರು ಯೋಜನಾ ಪ್ರದೇಶದಿಂದ ತಾನು 300 ಎಕರೆ ಪ್ರದೇಶಕ್ಕೆ ಬೇಡಿಕೆ ಇಟ್ಟಿದ್ದರೂ, ಇದಕ್ಕೆ ಬದಲಾಗಿ ಸರಕಾರ ಬರಿಯ 70 ಎಕರೆ ಜಾಗವನ್ನಷ್ಟೆ ನೀಡುವುದಾಗಿ ಹೇಳಿದೆ ಎಂದ ಮಮತಾ ಸಭೆಯ ಬಳಿಕ ತಿಳಿಸಿದರು.
ಚಳುವಳಿ ಹಿಂತೆಗೆಯುವ ಮೂಲಕ ತೃಣಮೂಲ ಕಾಂಗ್ರೆಸ್ ತನ್ನ ಮಾತನ್ನು ಉಳಿಸಿದೆ. ಅಂತೆಯೇ ಸರಕಾರವೂ ತನ್ನ ಮಾತನ್ನು ಉಳಿಸಿಕೊಳ್ಳಬೇಕು ಎಂದು ಮಮತಾ ಹೇಳಿದ್ದಾರೆ.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ