ಉಗ್ರವಾದಕ್ಕೆ ಮೃದು ಧೋರಣೆ ಕಾರಣ: ಮೋದಿ ಬೆಂಗಳೂರು, ಭಾನುವಾರ, 14 ಸೆಪ್ಟೆಂಬರ್ 2008( 12:02 IST )

ದೇಶದಲ್ಲಿ ಭಯೋತ್ಪಾದನೆ ಹೆಚ್ಚಲು ಭಯೋತ್ಪಾದನೆ ಬಗೆಗಿನ ಯುಪಿಎ ಸರ್ಕಾರದ ಮೃದು ಧೋರಣೆಯೇ ಕಾರಣ ಎಂದು ಗುಜರಾತ್ ಮುಖ್ಯಮಂತ್ರಿ ನರೇಂದ್ರ ಮೋದಿ ಆರೋಪಿಸಿದ್ದಾರೆ. ಅಲ್ಪಸಂಖ್ಯಾತ ಸ್ನೇಹಿ ಯುಪಿಎ ಸರ್ಕಾರ ಇದನ್ನೇ ತನ್ನ ಮತಬ್ಯಾಂಕ್ ಆಗಿ ಪರಿವರ್ತಿಸುತ್ತಿದೆ ಎಂದರು. ಬೆಂಗಳೂರಿನಲ್ಲಿ ನಡೆಯುತ್ತಿರುವ ಬಿಜೆಪಿಯ ರಾಷ್ಟ್ರೀಯ ಕಾರ್ಯಕಾರಣಿಯ ಎರಡನೇ ದಿನವಾದ ಶನಿವಾರ, ಅವರು ಬಿಜೆಪಿಯ ವಿಜಯ ಸಂಕಲ್ಪ ಸಭೆಯಲ್ಲಿ ಮಾತನಾಡುತ್ತಿದ್ದರು. ಅಫ್ಜಲ್ ಗುರುವಿಗೆ ಮರಣ ದಂಡನೆ ಜಾರಿ ಮಾಡದ್ದು, ಪೋಟಾ ಕಾಯ್ದೆಯನ್ನು ರದ್ದು ಮಾಡಿದ್ದೇ ದೇಶದಲ್ಲಿ ಭಯೋತ್ಪಾದನೆ ಹೆಚ್ಚಲು ಕಾರಣ ಎಂದರು. ಮುಂದೆ ಮಾತನಾಡಿದ ಮೋದಿ, ಯುಪಿಎ ಸರ್ಕಾರ ಅಲ್ಪಸಂಖ್ಯಾತರನ್ನು ತುಷ್ಟೀಕರಿಸಲು ಬಹು ಸಂಖ್ಯಾತರ ಹಿತಾಸಕ್ತಿಯನ್ನು ಬಲಿ ಕೊಡುತ್ತಿದೆ. ತನ್ನ ಮಿತ್ರ ಪಕ್ಷಗಳಿಗೆ ಮಣಿದು ರಾಮಸೇತು ಧ್ವಂಸ ಮಾಡಲು ಮುಂದಾಗಿದೆ ಎಂದು ದೂರಿದರು.