ಶ್ರೀನಗರ: ಉಗ್ರರಿಂದ ಗ್ರೆನೇಡ್ ದಾಳಿ: 15 ಮಂದಿಗೆ ಗಾಯ ಬುಧವಾರ, 17 ಸೆಪ್ಟೆಂಬರ್ 2008( 15:16 IST )

ಶ್ರೀನಗರ: ನಗರದ ಕೇಂದ್ರ ಪ್ರದೇಶ ಬುದ್ಶಾ ಚೌಕದಲ್ಲಿ ಬುಧವಾರ ಉಗ್ರರು ಗ್ರೆನೇಡ್ ದಾಳಿ ನಡೆಸಿದ್ದು ಕನಿಷ್ಠ 15 ಮಂದಿ ಗಾಯಗೊಂಡಿದ್ದಾರೆ. ಅಕಾರ ಕಟ್ಟದ ಪ್ರವೇಶದಲ್ಲಿರುವ ಭದ್ರತಾ ಸಿಬ್ಬಂದಿಗಳಿರುವ ಸ್ಥಳಕ್ಕೆ ಗುರಿ ಇರಿಸಿ ಎಸೆದ ಗ್ರೆನೇಡ್ ಗುರಿ ತಪ್ಪಿದೆ. ಈ ಗ್ರೆನೇಡ್ ರಸ್ತೆ ಬದಿಯಲ್ಲಿ ಸ್ಫೋಟಗೊಳ್ಳುವ ಮುನ್ನ ಬಸ್ಸೊಂದಕ್ಕೆ ಅಪ್ಪಳಿಸಿತು. ಗ್ರೆನೇಡ್ ಸ್ಫೋಟದಿಂದಾಗಿ 15 ಪಾದಚಾರಿಗಳು ಗಾಯಗೊಂಡಿದ್ದಾರೆ. ಈ ಪ್ರದೇಶವನ್ನು ತಕ್ಷಣ ವಶಪಡಿಸಿಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ವಾಣಿಜ್ಯ ಪ್ರದೇಶ ಲಾಲ್ ಚೌಕ ಸಮೀಪದ ಬುದ್ಶಾಚೌಕ ಪ್ರದೇಶದಲ್ಲಿ ಗೆರಿಲ್ಲಾಗಳು ಸಿಆರ್‌ಪಿಎಫ್ ಪೊಲೀಸರ ಮೇಲೆ ಗುರಿ ಇರಿಸಿದಾಗ ಈ ಘಟನೆ ಸಂಭವಿಸಿದೆ. ಗಾಯಾಳುಗಳನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.