13ರ ಬಾಲಕಿಯನ್ನು ಸುಟ್ಟುಹಾಕಿದ ಸಹಪಾಟಿಗಳು ಭೋಪಾಲ್, ಗುರುವಾರ, 18 ಸೆಪ್ಟೆಂಬರ್ 2008( 16:11 IST )

ಮಧ್ಯಪ್ರದೇಶದ ಬಾಮ್‌ತಾರ ಎಂಬ ಹಳ್ಳಿಯೊಂದರಲ್ಲಿ 13ರ ಹರೆಯದ ಬಾಲಕಿಯೊಬ್ಬಳನ್ನು ಆಕೆಯ ಮೂವರು ಸಹಪಾಟಿಗಳು ಜೀವಂತ ಸುಟ್ಟುಹಾಕಿದ ಆಘಾತಕಾರಿ ಘಟನೆ ಸಂಭವಿಸಿದೆ. ತೀವ್ರ ಸುಟ್ಟಗಾಯಗಳಿಂದ ಬಳಲುತ್ತಿದ್ದ ಆಕೆಯನ್ನು ವಿದಿಶ ಜಿಲ್ಲೆಯ ಆಸ್ಪತ್ರೆಯೊಂದಕ್ಕೆ ಚಿಕಿತ್ಸೆಗಾಗಿ ಕರೆದೊಯ್ಯಲಾಯಿತಾದರೂ, ಗುರುವಾರ ಮುಂಜಾನೆ ಆಕೆ ಸಾವನ್ನಪ್ಪಿದಳು. ಆಕೆ ತನ್ನ ಮರಣಕಾಲದ ಹೇಳಿಕೆಯಲ್ಲಿ ಮೂವರ ಹೆಸರನ್ನು ಪೊಲೀಸರಿಗೆ ತಿಳಿಸಿದ್ದಾಳೆ. ಇವರಲ್ಲಿ ಎರಡು ಹುಡುಗಿಯರು ಆಕೆಯ ತರಗತಿಯವರಾಗಿದ್ದರೆ, ಮೂರನೆಯವಳು ಆಕೆಯ ಹಿರಿಯ ವಿದ್ಯಾರ್ಥಿನಿಯಾಗಿದ್ದಾಳೆ. ಹೆಚ್ಚಿನ ವಿಚಾರದ ಕುರಿತು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.