ಸ್ಫೋಟ ವಿಚಾರಣೆ: ಶಂಕಿತ ಉಗ್ರ ಸೈಫ್ ಉಡುಪಿಗೆ

ದೆಹಲಿ ಸರಣಿ ಬಾಂಬ್ ಸ್ಫೋಟ ಪ್ರಕರಣದ ಕುರಿತು ಹೆಚ್ಚಿನ ತನಿಖೆಗೆ ಬಂಧನಕ್ಕೊಳಗಾಗಿದ್ದ ಶಂಕಿತ ಉಗ್ರ ಮೊಹಮ್ಮದ್ ಸೈಫ್‌‌ನನ್ನು ಉಡುಪಿಯ ಜಿಲ್ಲೆಯ ಮಣಿಪಾಲಕ್ಕೆ ಕರೆ ತಂದಿರುವುದಾಗಿ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ. ದಕ್ಷಿಣ ದೆಹಲಿಯ ಜಾಮಿಯಾ ನಗರದಲ್ಲಿನ ಬಾಟ್ಲಾ ಬಹುಮಹಡಿಯಲ್ಲಿ ಅಡಗಿಕೊಂಡಿದ್ದ ಉಗ್ರರನ್ನು ಎನ್‌ಕೌಂಟರ್ ಮೂಲಕ ಸದೆಬಡಿದ ನಂತರ,ಸೈಫ್‌ನನ್ನು ಸೆರೆ ಹಿಡಿಯಲಾಗಿತ್ತು. ರಾಜಧಾನಿಯಲ್ಲಿ ನಡೆಸಿದ ಸರಣಿ ಸ್ಫೋಟಕ್ಕಾಗಿ ಕರ್ನಾಟಕದಿಂದ ಸ್ಫೋಟಕವನ್ನು ತಂದಿರುವುದಾಗಿ ಸೈಫ್ ವಿಚಾರಣೆ ವೇಳೆ ಮಾಹಿತಿ ನೀಡಿರುವುದಾಗಿ ಅಧಿಕಾರಿಗಳು ಹೇಳಿದ್ದಾರೆ. ದೆಹಲಿಯ ಕೊನ್ನಾಟ್ ಸ್ಥಳದಲ್ಲಿ ಸೈಫ್ ಬಾಂಬ್ ಅನ್ನು ಇಟ್ಟಿರುವುದಾಗಿ ತನಿಖೆ ಸಂದರ್ಭ ಒಪ್ಪಿಕೊಂಡಿದ್ದಾನೆ.ಅಲ್ಲದೇ ಸೆಪ್ಟೆಂಬರ್ ಮೊದಲ ವಾರದಲ್ಲಿಯೇ ಸರಣಿ ಬಾಂಬ್ ಸ್ಫೋಟ ನಡೆಸಲು ಸಂಚು ರೂಪಿಸಿದ್ದರು ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.