ಕೋಲ್ಕತಾದ ಹೌರಾ ರೈಲ್ವೆ ನಿಲ್ದಾಣದಲ್ಲಿ ಮಂಗಳವಾರದಂದು ಸ್ಫೋಟಕ ತುಂಬಿದ್ದ ಬ್ಯಾಗ್ವೊಂದನ್ನು ಪೊಲೀಸರು ಪತ್ತೆ ಹಚ್ಚಿರುವುದಾಗಿ ಖಾಸಗಿ ಟಿವಿಯೊಂದರ ವರದಿಯೊಂದು ತಿಳಿಸಿದೆ.
ಹೌರಾ ರೈಲ್ವೆ ನಿಲ್ದಾಣದ ಪ್ಲ್ಯಾಟ್ಫಾರಂ 21ರಲ್ಲಿ ನಿಂತಿದ್ದ ಭದ್ರಕ್ ಪ್ರಯಾಣಿಕರ ರೈಲಿನಲ್ಲಿ ಈ ಬ್ಯಾಗ್ ಪತ್ತೆಯಾಗಿದ್ದು, ಇದರಲ್ಲಿ ಜೀವಂತ ಗ್ರೆನೇಡ್ ಇದ್ದಿರುವುದಾಗಿ ಪ್ರಾಥಮಿಕ ವರದಿಯಿಂದ ತಿಳಿದು ಬಂದಿದೆ.
ಸ್ಫೋಟಕ ಪತ್ತೆಯಾದ ಸುದ್ದಿ ತಿಳಿಯುತ್ತಿದ್ದಂತೆಯೇ ರೈಲ್ವೆ ಪೊಲೀಸರು ನಿಲ್ದಾಣದ ಸುತ್ತುವರಿದಿದ್ದು,ಬಾಂಬ್ ನಿಷ್ಕ್ರಿಯ ದಳ ಆಗಮಿಸಿರುವುದಾಗಿ ಅಧಿಕಾರಿಗಳು ಹೇಳಿದ್ದಾರೆ.
ಪ್ಲ್ಯಾಟ್ ಫಾರಂ 21ರಲ್ಲಿ ನಿಂತಿದ್ದ ರೈಲಿನಲ್ಲಿ ಅನಾಮಿಕ ಬ್ಯಾಗ್ವೊಂದು ಇದ್ದಿರುವುದಾಗಿ ಪೊಲೀಸರಿಗೆ ಬಂದ ದೂರವಾಣಿ ಕರೆಯ ನಂತರ,ಈ ಅಂಶ ಬಹಿರಂಗಗೊಂಡಿದೆ.
|