ಜಾರ್ಖಂಡ್‌ನ ಸಾಹೇಬ್‌ಗಂಜ್ ಜಿಲ್ಲೆಯ ತಾಲ್ಜ್‌ಹರಿ ರೈಲ್ವೇ ಸ್ಟೇಷನ್‌ನ ಭಾಗಲ್‌ಪುರ್-ಬಾರ್ಹಾರ್ವಾ ಸೆಕ್ಷನ್‌ ಟ್ರ್ಯಾಕ್‌ನಿಂದ ನಿನ್ನೆ 14 ಸಜೀವ ಬಾಂಬ್ ಪತ್ತೆ ಹಚ್ಚುವ ಮೂಲಕ ಸಲ್ಪದರಲ್ಲೇ ದೊಡ್ಡ ರೈಲ್ವೇ ದುರಂತವೊಂದು ತಪ್ಪಿಹೋದಂತಾಗಿದೆ.
ಆ ಟ್ರ್ಯಾಕ್ ಮೂಲಕ ಉತ್ತರಪ್ರದೇಶ ಗುವಾಹಟಿ-ದಾದರ್ ಮತ್ತು ಮಾಲ್ಡಾ-ಭಿವಾನಿ ಫರ್ರಾಕ್ ಎಕ್ಸ್‌ಪ್ರೆಸ್ ರೈಲುಗಳು ಓಡಬೇಕಿತ್ತು ಎಂದು ರೈಲ್ವೇ ಮೂಲಗಳು ತಿಳಿಸಿವೆ.
ಪ್ಲಾಸ್ಟಿಕ್ ಚೀಲದಲ್ಲಿ ಕಟ್ಟಲಾಗಿದ್ದ ಬಾಂಬ್‌ಗಳು ಸ್ಥಳೀಯವಾಗಿಯೇ ತಯಾರಾದಂತಿತ್ತು ಎಂದು ಪೋಲೀಸ್ ಸೂಪರಿಟೆಂಡೆಂಟ್ ಪಿ.ಆರ್.ದಾಸ್ ಹೇಳಿದ್ದಾರೆ.
ಇದು ಸ್ಥಳೀಯರಿಗೆ ಬಾಂಬ್ ಕುರಿತು ಅನಗತ್ಯ ಭೀತಿ ಹುಟ್ಟಿಸಲು ಮಾಡಿದ ನಾಟಕವಿದ್ದರೂ ಇರಬಹುದು ಎಂದು ಅವರು ಸಂಶಯಿಸಿದ್ದಾರೆ.
ಹುಸಿ ಬಾಂಬ್ ಆಗಿತ್ತೇ ಎಂಬುದಾಗಿಯೂ ಸೇರಿದಂತೆ ಪ್ರಕರಣದ ಕುರಿತು ಕೂಲಂಕುಷವಾಗಿ ತನಿಖೆ ಇನ್ನಷ್ಟೇ ನಡೆಯಬೇಕಿದೆ.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ