ದೇಶದ ಪ್ರಥಮ ಮಾನವರಹಿತ ಚಂದ್ರಯಾನ-I ಉಡ್ಡಯನ ಮತ್ತೆ ವಿಳಂಬವಾಗಿದ್ದು, ಅಕ್ಟೋಬರ್ 22ರಂದು ಬಾಹ್ಯಾಕಾಶ ನೆಲೆ ಶ್ರೀಹರಿಕೋಟಾದಿಂದ ಹಾರಿಸಲು ನಿರ್ಧರಿಸಿರುವುದಾಗಿ ಇಸ್ರೋ (ಇಂಡಿಯನ್ ಸ್ಪೇಸ್ ರಿಸರ್ಚ್ ಆರ್ಗ್‌‌ನೈಸೇಶನ್) ಮೂಲಗಳು ಸೋಮವಾರ ತಿಳಿಸಿದೆ.
ಪೋಲಾರ್ ಸೆಟಲೈಟ್ ಲಾಂಚ್ ವೆಹಿಕಲ್ (ಪಿಎಸ್‌ಎಲ್‌ವಿ-ಸಿ11) ರ ಮೂಲಕ ಚಂದ್ರಯಾನ-I ಉಡ್ಡಯನಕ್ಕೆ ಹವಾಮಾನ ವೈಪರೀತ್ಯದ ಅನನೂಕೂಲತೆಯ ಗಮನಿಸಿ ಅ.22ರ 6.20ಕ್ಕೆ ನಭೋ ಮಂಡಲಕ್ಕೆ ಹಾರಿ ಬಿಡಲಾಗುವುದು ಎಂದು ಮೂಲಗಳು ಹೇಳಿವೆ.
ಈ ಮಹತ್ವದ ಚಂದ್ರಯಾನದ ಯೋಜನೆಗಾಗಿ 5ವರ್ಷಗಳ ಹಿಂದೆಯೇ ಸರ್ಕಾರ 386ಕೋಟಿ ರೂಪಾಯಿಯನ್ನು ಬಿಡುಗಡೆಗೊಳಿಸಿತ್ತು. ಆದರೆ ಐತಿಹಾಸಿಕ ಉಡ್ಡಯನಕ್ಕೆ ಹಲವಾರು ಅಡ್ಡಿಆತಂಕಗಳು ಎದುರಾಗಿರುವ ಹಿನ್ನೆಲೆಯಲ್ಲಿ ವಿಳಂಬವಾಗಿರುವುದಾಗಿ ಇಸ್ರೋ ವಿಜ್ಞಾನಿಗಳ ತಂಡ ತಿಳಿಸಿದೆ.
ಮಾನವ ರಹಿತ ಚಂದ್ರಯಾನ-I ಉಡ್ಡಯನಕ್ಕಾಗಿ ರಾಜಧಾನಿಯಿಂದ ಸೆಟಲೈಟ್ ಅನ್ನು ಶ್ರೀಹರಿಕೋಟಾಕ್ಕೆ ವಿಶೇಷ ವಾಹನದಲ್ಲಿ ಕಳೆದ ವಾರ ಚೆನ್ನೈಯಿಂದ ನೂರು ಕಿ.ಮೀ.ದೂರದಲ್ಲಿರುವ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರಕ್ಕೆ ಸ್ಥಳಾಂತರಿಸುವ ಕಾರ್ಯವನ್ನು ಪೂರ್ಣಗೊಳಿಸಲಾಗಿದೆ ಎಂದು ಹೇಳಿದೆ.
ಚಂದ್ರಯಾನ ಯೋಜನೆಯ ತಂಡದಲ್ಲಿ ಭಾರತದ 5ಮಂದಿ ವಿಜ್ಞಾನಿಗಳು ಸೇರಿದಂತೆ ಅಮೆರಿಕ , ಯುರೋಪ್ ಮತ್ತು ಬಲ್ಗೇರಿಯಾದ ಒಟ್ಟು 11 ಮಂದಿ ಇದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ