ಚುನಾವಣಾ ಪೂರ್ವಸಮೀಕ್ಷೆಗೆ ಸರಕಾರ ನಿಷೇಧ (ಚುನಾವಣಾ ಪೂರ್ವ ಸಮೀಕ್ಷೆ, ಸಂಸತ್, ಸರಕಾರ, ನಿಷೇಧ)

ಚುನಾವಣಾ ಪೂರ್ವಸಮೀಕ್ಷೆಗೆ ಸರಕಾರ ನಿಷೇಧ

ಚುನಾವಣೆಯ ಕೊನೆಯ ಹಂತದವರೆಗೆ, ಮಾಧ್ಯಮಗಳ ಚುನಾವಣಾ ಪೂರ್ವ ಸಮೀಕ್ಷೆಯ ಪ್ರಕಟಣೆಗೆ ಅಥವಾ ಪ್ರಸಾರಕ್ಕೆ ಸರಕಾರವು ನಿಷೇಧ ಹೇರಿದೆ.

ಚುನಾವಣಾ ಪೂರ್ವ ಸಮೀಕ್ಷೆಗಳು ಮತದಾರರ ಮೇಲೆ ಪ್ರಭಾವ ಬೀರುತ್ತದೆ ಎಂಬ ಉದ್ದೇಶಕ್ಕಾಗಿ ಸರಕಾರವು ಈ ನಿರ್ಧಾರಕ್ಕೆ ಮುಂದಾಗಿದೆ.

ಅಂತಿಮ ಚುನಾವಣೆ ನಡೆಯುವವರೆಗೆ ಪೂರ್ವ ಸಮೀಕ್ಷೆಯ ಪ್ರಕಟಣೆ ನಿಷೇಧಕ್ಕೆ ಕೇಂದ್ರ ಸಂಸತ್ತು ಅನುಮೋದನೆ ನೀಡಿದೆ ಎಂದು ಹಣಕಾಸು ಸಚಿವ ಚಿದಂಬಂರಂ ಸುದ್ದಿಗಾರರಿಗೆ ತಿಳಿಸಿದ್ದಾರೆ.

ಈ ಬೆಳವಣಿಗೆಯು ಚುನಾವಣೆಯ ಪ್ರತಿ ಹಂತವೂ ಮುಕ್ತ ಮತ್ತು ಪಾರದರ್ಶಕಗೊಳಿಸುವ ಸರಕಾರದ ಪ್ರಯತ್ನವಾಗಿದೆ.

ವರ್ಷಗಳ ಹಿಂದೆ, ಮತದಾನದ ವೇಳೆ ಅಥವಾ ಚುನಾವಣೆಯ ಕೊನೆಯ ಹಂತದವರೆಗೆ ಪೂರ್ವ ಸಮೀಕ್ಷೆಯನ್ನು ಪ್ರಸಾರ ಮಾಡಲು ಅಥವಾ ಪ್ರಕಟಿಸಲು ಚುನಾವಣಾ ಆಯೋಗವು ನಿಷೇಧ ಹೇರಿತ್ತು. ಆದರೆ, ಮಾಧ್ಯಮಗಳು ಈ ಕುರಿತಾಗಿ ಸುಪ್ರೀಂ ಕೋರ್ಟ್‌ಗೆ ಮೇಲ್ಮನವಿ ಸಲ್ಲಿಸಿದ್ದವು.

ಸಂಬಂಧಿತ ಮಾಹಿತಿ ಹುಡುಕಿ