ಕ್ರೈಸ್ತ ವಿರೋಧಿ ಹಿಂಸಾಚಾರಕ್ಕೆಸಂಬಂಧಿಸಿದಂತೆ ಒರಿಸ್ಸಾದಲ್ಲಿ ಬಂಧಿನಕ್ಕೀಡಾಗಿರುವವರಲ್ಲಿ ಹೆಚ್ಚಿನವರು ಬಜರಂಗ ದಳದವರು ಎಂದು ಒರಿಸ್ಸಾ ಮುಖ್ಯಮಂತ್ರಿ ನವೀನ್ ಪಟ್ನಾಯಕ್ ಖಾಸಗಿ ವಾಹಿನಿಯೊಂದಕ್ಕೆ ಮಂಗಳವಾರ ತಿಳಿಸಿದ್ದಾರೆ.
"ಬಜರಂಗ ದಳವು ಮೂಲಭೂತವಾದಿ ಸಂಘಟನೆ ಎಂದು ತನ್ನ ಪಕ್ಷವು ಭಾವಿಸುತ್ತದೆ. ಕೇಂದ್ರವು ಬಜರಂಗ ದಳವನ್ನು ನಿಷೇಧಿಸುವ ನಿರ್ಧಾಕ ಕೈಗೊಳ್ಳಲಿ, ಬಳಿಕ ನಾವು ಪ್ರತಿಕ್ರಿಯಿಸುತ್ತೇವೆ" ಎಂದು ಪಟ್ನಾಯಕ್ ಹೇಳಿದ್ದಾರೆ.
ಗೃಸಚಿವಾಲಯವು ಕಳುಹಿಸಿರುವ ಯಾವುದೇ ಪತ್ರದಲ್ಲಿ ಸಂವಿಧಾನದ ವಿಧಿ 355ನ್ನು ಪ್ರಸ್ತಾಪಿಸಲಿಲ್ಲ ಎಂದು ಸ್ಪಷ್ಟಪಡಿಸಿದರಲ್ಲದೆ, ಒರಿಸ್ಸಾದಲ್ಲಿ ರಾಷ್ಟ್ರಪತಿ ಆಳ್ವಿಕೆಯ ಹೇರಿಕೆಯು ರಾಜಕೀಯ ದುರ್ಬಳಕೆಯಾದೀತು ಎಂದು ಹೇಳಿದ್ದಾರೆ.
ನಾವು ಸಹಾಯ ಯಾಚಿಸಿದಾಗ ಕೇಂದ್ರವು ತರಬೇತಿ ಪಡೆಯುವವರನ್ನೊಳಗೊಂಡ ಹತ್ತು ಕಂಪೆನಿಗಳನ್ನು ಕಳುಹಿಸಿತು. ಗೃಹ ಸಚಿವಾಲಯವು ಐದು ದಿನ ತಡವಾಗಿ ಹೆಲಿಕಾಫ್ಟರ್‌ಗಳನ್ನು ಕಳುಹಿಸಿತು ಎಂದು ಪಟ್ನಾಯಕ್ ಕೇಂದ್ರವನ್ನು ದೂರಿದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ