ಗುವಾಹಟಿಯಲ್ಲಿ ನಡೆದ ಬಾಂಬ್ ಸ್ಫೋಟಗಳಲ್ಲಿ ಅಮೋನಿಯಂ ನೈಟ್ರೇಟ್, ಪ್ಲಾಸ್ಟಿಕ್‌ಗೆ ಬಳಸುವ ಪದಾರ್ಥ ಮತ್ತು ಕಾಲಮಾಪಕ ಉಪಕರಣಗಳನ್ನು ಮ‌ೂರು ಮಾರುತಿ ಕಾರುಗಳಲ್ಲಿ ಅಡಗಿಸಿಡಲಾಗಿತ್ತು. ಪ್ರಕರಣಕ್ಕೆ ಸಂಬಂಧಿಸಿದಂತೆ ಮ‌ೂರು ವ್ಯಕ್ತಿಗಳನ್ನು ಬಂಧಿಸಲಾಗಿದೆ ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.
ಫ್ಯಾನ್ಸಿಬಜಾರ್, ಪಾನ್ ಬಜಾರ್ ಮತ್ತು ಗಣೇಶ್‌ಗುರಿಯಲ್ಲಿ ಮ‌ೂರು ಮಾರುತಿ 800 ಕಾರುಗಳಲ್ಲಿ ಬಾಂಬ್ ಹುದುಗಿಸಿಡಲಾಗಿತ್ತು ಮತ್ತು ಬೊಂಗಾಯ್‌ಗಾಂವ್‌ನಲ್ಲಿ ಸ್ಫೋಟ ನಡೆಸಲು ಮೋಟರ್ ಬೈಕ್ ಬಳಸಲಾಗಿತ್ತು ಎಂದು ಅವರು ನುಡಿದರು. ಪಾನ್‌ಬಜಾರ್ ಸ್ಫೋಟದಲ್ಲಿ ಬಳಸಿದ ಕಾರು ತೀರಾ ಹಾನಿಯಾಗಿದ್ದು, ಚಾಸಿಸ್ ಸಂಖ್ಯೆಯ ಕೊನೆಯ ಎರಡು ಅಂಕಿಗಳು ಅಳಿಸಿಹೋಗಿವೆ.
ಗಣೇಶ್‌ಗುರಿ ಸ್ಫೋಟದಲ್ಲಿ ಬಳಸಿದ ಕಾರು ಇಟಾನಗರದ್ದೆಂದು ಪತ್ತೆಯಾಗಿದ್ದು, ತನಿಖೆಯಲ್ಲಿ ನೆರವಿಗೆ ಅರುಣಾಚಲ ಡಿಐಜಿಯನ್ನು ಸಂಪರ್ಕಿಸಲಾಗಿದೆ. ಗಣೇಶ್‌ಗುರಿ ಸ್ಫೋಟದಲ್ಲಿ ಬಳಸಿದ ಕಾರು ನಹರಲಾಗೂನ್ ವಿತರಕನಿಂದ ನವದೆಹಲಿಯ ಬ್ಯಾಂಕ್ ಅಧಿಕಾರಿಯೊಬ್ಬರಿಗೆ ಮಾರಾಟವಾಗಿತ್ತು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ