ಚಂದ್ರಗ್ರಹದ ಅನ್ವೇಷಣೆಗಾಗಿ ಉಡಾವಣೆ ಮಾಡಲಾಗಿರುವ ಭಾರತದ ಪ್ರಥಮ ದೇಶೀಯ ಗಗನ ನೌಕೆ ಚಂದ್ರಯಾನ-1 ಶನಿವಾರ ಸಾಯಂಕಾಲ ಐದು ಗಂಟೆಯ ವೇಳೆಗೆ ಚಂದ್ರನ ಕಕ್ಷೆಯನ್ನು ಸೇರಿದೆ. ಇಸ್ರೋದ ಹೆಮ್ಮೆಯ ಚಂದ್ರಯಾನವನ್ನು ಅಕ್ಟೋಬರ್ 22ರಂದು ಶ್ರೀಹರಿಕೋಟದಿಂದ ಯಶಸ್ವಿಯಾಗಿ ಉಡಾಯಿಸಲಾಗಿತ್ತು.
ಈ ಗಗನ ನೌಕೆಯು ಎರಡು ವರ್ಷಗಳ ಕಾಲ ನಭೋಮಂಡಲದಲ್ಲಿದ್ದು, ಚಂದ್ರನ ಮೇಲೈಯ ವೈಜ್ಞಾನಿಕ ಅಧ್ಯಯನ ನಡೆಸಲಿದೆ.
ಬಾಹ್ಯಾಕಾಶ ವಿಜ್ಞಾನಿಗಳು ಶನಿವಾರ ಐದು ಗಂಟೆಗೆ ಚಂದ್ರಯಾನವನ್ನು ಚಂದ್ರನ ಕಕ್ಷೆಗೆ ತೂರಿಸುವ ಪ್ರಕ್ರಿಯೆ ನಡೆಸಿದ್ದು, ಈ ಯೋಜನೆಯ ಮಹತ್ವದ ಅಂಗವಾಗಿದೆ.
ಈ ಕಾರ್ಯವು ಸಾಯಂಕಾಲ ಸುಮಾರು ಐದು ಗಂಟೆಗೆ ಆರಂಭವಾಗಿ 800 ಸೆಕುಂಡುಗಳ ಕಾಲ ಅಂದರೆ ಸುಮಾರು 13 ನಿಮಿಷಗಳ ಕಾಲ ಮುಂದುವರಿಯಿತು.
ಚಂದ್ರನ ಕಕ್ಷೆಗೆ ಸೇರಿಸುವ ಕಾರ್ಯದ ಬಳಿಕ ಉಪಗ್ರಹವು ಚಂದ್ರನ ಸುತ್ತ 7,500 ಕಿ.ಮೀ x 500 ಕಿ.ಮೀ ವರ್ತುಲವಾಗಿ ಇರಲಿದೆ. ಚಂದ್ರಯಾನವು ಚಂದ್ರನ ಕಕ್ಷೆಯನ್ನು ಸೇರಿದ ಬಳಿಕ ಇದನ್ನು ಚಂದ್ರನ ಗುರತ್ವಾಕರ್ಷಣ ಸೆರೆಹಿಡಿಯಲಿದೆ ಎಂದು ಸತೀಶ್ ತಿಳಿಸಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ