ಇತ್ತೀಚೆಗೆ ಇಲ್ಲಿನ ಅಂಬೇಡ್ಕರ್ ಕಾನೂನು ಕಾಲೇಜಿನಲ್ಲಿ ವಿದ್ಯಾರ್ಥಿಗಳ ನಡುವೆ ನಡೆದ ಮಾರಾಮಾರಿಗೆ ವಿರೋಧ ಪಕ್ಷದ ಚಿತಾವಣೆ ಕಾರಣ ಎಂಬ ಮುಖ್ಯಮಂತ್ರಿ ಕರುಣಾನಿಧಿಯವರ ಹೇಳಿಕೆಯನ್ನು ಪ್ರಶ್ನಿಸಿ ಎಐಎಡಿಎಂಕೆ ಪ್ರಧಾನ ಕಾರ್ಯದರ್ಶಿ ಜೆ. ಜಯಲಲಿತಾ ಲಾಯರ್ ನೋಟೀಸ್ ನೀಡಿದ್ದಾರೆ.ಇಪ್ಪತ್ತನಾಲ್ಕು ಗಂಟೆಗಳೊಳಗಾಗಿ ತನ್ನ ಹೇಳಿಕೆಯ ಕುರಿತು ಕ್ಷಮೆ ಕೋರುವಲ್ಲಿ ಕರುಣಾನಿಧಿ ವಿಫಲವಾದಲ್ಲಿ, ಕರುಣಾ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವುದಾಗಿ ಮತ್ತು ತನ್ನ ಪ್ರತಿಷ್ಠೆಗೆ ಭಂಗ ಉಂಟುಮಾಡಿವುದಕ್ಕಾಗಿ ಒಂದು ಕೋಟಿ ರೂಪಾಯಿ ಪರಿಹಾರ ಕೋರುವುದಾಗಿಯೂ ಮಾಜಿ ಮುಖ್ಯಮಂತ್ರಿ ಜಯಲಲಿತಾ ಎಚ್ಚರಿಕೆ ನೀಡಿದ್ದಾರೆ.ಕರುಣಾನಿಧಿ ಅವರು ಈ ಗಲಭೆಯ ಕುರಿತು ದುರುದ್ದೇಶ ಪೂರಿತ ಹೇಳಿಕೆ ನೀಡಿದ್ದಾರೆ ಎಂದು ಜಯಾ ಆರೋಪಿಸಿದ್ದಾರೆ.ಕುತೂಹಲವೆಂಬಂತೆ ತನ್ನ ಈ ಹೇಳಿಕೆಯು ಒಂದು ಹಾಸ್ಯ ಚಟಾಕಿ ಅಷ್ಟೆ ವಿನಹ ಯಾರದ್ದೇ ಪ್ರತಿಷ್ಠೆಗೆ ಕುಂದುಂಟು ಮಾಡುವ ಉದ್ದೇಶದ್ದಲ್ಲ ಎಂದು ಕರುಣಾನಿಧಿ ಮಂಗಳವಾರ ಹೇಳಿದ್ದರು.ಹೊಡೆದಾಟ ಘಟನೆಯನ್ನು ನಿಭಾಯಿಸುವಲ್ಲಿ ಕರುಣಾನಿಧಿ ಸೋತಿದ್ದಾರೆ ಎಂದು ಜಯಾ ಹೇಳುವ ಮೂಲಕ ಈ ಹೇಳಿಕೆಗಳ ಸಮರ ಆರಂಭವಾಗಿತ್ತು. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
