ನವದೆಹಲಿ: ಭಯೋತ್ಪಾದನಾ ಚಟುವಟಿಕೆಗಳ ಸ್ವರೂಪ ಬದಲಾಗುತ್ತಿದ್ದು, ಉಗ್ರವಾದಿ ಸಂಘಟನೆಗಳು ಅಣುವಸ್ತುಗಳು, ಜೈವಿಕ ಮತ್ತು ರಾಸಾಯನಿಕ ವಸ್ತುಗಳನ್ನು ಬಳಕೆ ಮಾಡಬಹುದು ಎಂಬ ಎಚ್ಚರಿಕೆ ನೀಡಿರುವ ಸರಕಾರ ಇದನ್ನು ಎದುರಿಸಲು ವಿವಿಧ ಕೋನಗಳ ಯೋಜನೆಗಳನ್ನು ಹಮ್ಮಿಕೊಳ್ಳಬೇಕು ಎಂದು ಹೇಳಿದೆ.
ಉಗ್ರರು ಸೇನಾ ಮಾದರಿಗಳನ್ನು ಬಳಸಲು ಆರಂಭಿಸಿದ್ದಾರೆ. ಅವರು ಅತ್ಯಾಧುನಿಕ ಆಯುಧಗಳು ಮತ್ತು ಸ್ಫೋಟಕಗಳನ್ನು ಬಳಸುತ್ತಿದ್ದಾರೆ ಎಂದು ಗೃಹಸಚಿವ ಶಿವರಾಜ್ ಪಾಟೀಲ್ ಹೇಳಿದ್ದಾರೆ.
ಗುಪ್ತಚರದಳ ಆಯೋಜಿಸಿರುವ ಡಿಜಿಗಳು ಮತ್ತು ಐಜಿಗಳ ಎರಡು ದಿನದ ಸಮ್ಮೇಳನವನ್ನು ಉದ್ಘಾಸುತ್ತಾ ಪಾಟೀಲ್ ಮಾತನಾಡುತ್ತಿದ್ದರು.
ಉನ್ಮತ್ತತೆಯ ಭಯ ಹುಟ್ಟಿಸುವ ನಿಟ್ಟಿನಲ್ಲಿ ಉಗ್ರರು ದೊಡ್ಡಮಟ್ಟದ ಮತ್ತು ಸಂಕೀರ್ಣ ಸ್ವರೂಪದ ಹಿಂಸಾಚಾರ ಉಂಟುಮಾಡುವಂತಹ ಸ್ಥಳಗಳನ್ನು ಆರಿಸಿಕೊಳ್ಳುತ್ತಿದ್ದಾರೆ ಎಂದು ನುಡಿದ ಅವರು, ಇದಕ್ಕಾಗಿ ಧಾರ್ಮಿಕ ಸ್ಥಳಗಳನ್ನು ಆರಿಸಿಕೊಳ್ಳುತ್ತಿದ್ದು ಈ ಮೂಲಕ ವಿವಿಧ ಧರ್ಮಗಳು ಮತ್ತು ಸಮುದಾಯಗಳ ನಡುವೆ ಬಿಕ್ಕಟ್ಟನ್ನು ಹುಟ್ಟುಹಾಕುತ್ತಿವೆ ಎಂದು ಹೇಳಿದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ